१५ दिनभित्र कलंकी-चक्रपथभित्रका घर टहरा आफै नहटाए डोजरले भत्काउने
सारांश
- काठमाडौं, १० जेठ- चक्रपथ भित्रको कलंकीदेखि महाराजगञ्जसम्म सडकमा गैरकानुनी रुपमा बनेका संरचना भत्काउनु १५ दिनको म्याद दिइएको छ ।
- सडकभित्र परेका घर, टहरा भत्काउन १५ दिनको समय सडक विभागले सम्बन्धित व्यक्तिलाई नै दिएको छ ।
- तोकिएको समयभित्र घर टहरा भत्काउन अटेर गरेमा सार्वजनिक सडक ऐन अनुसार डोजर लगाएर भत्काइने भएको छ ।
काठमाडौं, १० जेठ- चक्रपथ भित्रको कलंकीदेखि महाराजगञ्जसम्म सडकमा गैरकानुनी रुपमा बनेका संरचना भत्काउनु १५ दिनको म्याद दिइएको छ ।
सडकभित्र परेका घर, टहरा भत्काउन १५ दिनको समय सडक विभागले सम्बन्धित व्यक्तिलाई नै दिएको छ । तोकिएको समयभित्र घर टहरा भत्काउन अटेर गरेमा सार्वजनिक सडक ऐन अनुसार डोजर लगाएर भत्काइने भएको छ ।
यदि सडक विभागले दिएको समयमै नहटाएमा काठमाडौं उपत्यका विकास प्राधिकरण,जिल्ला आयुक्तको कार्यालयबाट हटाइने उल्लेख छ। योसँगै ५० मिटरको सडक ८ लेनमा विस्तार हुनेछ।
करिव ४ बर्षमा पुरै चक्रपथ ८ लेनको बनाइसक्ने सरकारको लक्ष्य छ ।
चीन सरकारको सहयोगमा कोटेश्वर-कलंकी पहिलो खण्ड अन्तिम चरणमा पुगेका बेला दोस्रो खण्डको काम अघि बढाउन लागिएको हो। ८ किलोमिटर भन्दा बढी खण्ड विस्तारका लागि करिव ६ अर्व लागत लाग्ने अनुमान गरिएको छ। सडकको खर्च सम्पूर्ण चीन सरकारको अनुदान रहने छ।
प्रतिक्रिया
Mahendra Gurau
Doing good job