डोटी,नेपालगञ्ज,बाजुरा,धनगढी,प्यूठान,बाजुरा को ताजा पारीणाम
सारांश
- डोटीको आदर्श गाउपालिकामा नेकपा एमाले अगाडि डोटीको आदर्श गाउँपालिकामा नेकपा एमालेले अग्रता लिएको छ ।
- गाउँपालिकाको अध्यक्षमा एमालेका उम्मेदवार टेकबहादुर रोकायाले ७३ तथा उपाध्यक्षमा कमला ओझाले ७९ मत ल्याउनु भएको छ ।
- यस्तै अध्यक्षमा कांग्रेसका लक्षणबहादुर सिंहले ६८ र उपाध्यक्षमा कृष्णा ओझाले ६१ मत ल्याउनु भएको छ ।
डोटीको आदर्श गाउपालिकामा नेकपा एमाले अगाडि
डोटीको आदर्श गाउँपालिकामा नेकपा एमालेले अग्रता लिएको छ । गाउँपालिकाको अध्यक्षमा एमालेका उम्मेदवार टेकबहादुर रोकायाले ७३ तथा उपाध्यक्षमा कमला ओझाले ७९ मत ल्याउनु भएको छ ।
यस्तै अध्यक्षमा कांग्रेसका लक्षणबहादुर सिंहले ६८ र उपाध्यक्षमा कृष्णा ओझाले ६१ मत ल्याउनु भएको छ । यस्तै अध्यक्षमा माओेवादी केन्द्रका भरत बोहराले १२ तथा उपाध्यक्षमा सञ्जा रोकायाले १५ मत प्राप्त गर्नु भएको छ ।
नेपालगञ्ज उपमहानगरपालिकाको मतगणना सुरु भएको छ । मुख्य निर्वाचन अधिकृत तेजनारायण पौडेलका अनुसार वडा नम्बर १ र २३ बाट गणना सुरु भएको हो ।
नेपागञ्ज उपमहागरपालिकामा झण्डै ४९ हजार मत खसेको छ । उपमहानगरपालिकामा २३ वडा रहेका छन् ।
बाजुराको बडिमालिका नगरपालिकाको वडा नम्बर ३ मा नेकपा एमाले प्यानलसहित विजयी भएको छ । वडा अध्यक्षमा एमालेका वीरबहादुर रावल ३ सय ४८ मत ल्याएर विजयी हुनु भएको हो ।
उहाँका निकटतम प्रतिद्वन्द्वी नेपाली कांग्रेसका नन्दलाल खड्काले १ सय ४८ मत ल्याउनुभयो । यस्तै मेयरमा कांग्रेसका पदम बडुवालले ९१६, एमालेका गगन रावलले ८७७ र माओवादी केन्द्रका मनबहादुर बिक २० मत ल्याउनुभएको छ ।
कैलालीमा धनगढी उपमहानगरापालिकामा मतगणना सुरु भएको छ । वडा नम्बर १ बाट सुरु भएको मतगणनामा स्वतन्त्र उम्मेदवार गोपाल हमालले ३२ मत ल्याउनु भएको छ ।
नेपाली कांग्रेस ३०, माओवादी ७ र एमालेले ४ मत ल्याएको छ । मतगणना सुरु भएका टीकापुर नगरपालिकामा लोकतान्त्रिक फोरमले अग्रता लिएको छ भने जोशीपुर गाउँपालिकामा पनि लोकतान्त्रिक फोरमले नै अग्रता लिएको छ ।
भजनी त्रिशक्ति नगरपालिकामा पनि लोकतान्त्रिक फोरमले नै अग्रता लिएको छ । गौरीगंगा नगरपालिका, कैलारी गाउँपालिकामा पनि लोकतान्त्रिक फोरमको अग्रता छ ।
यस्तै बर्दगोरिया गाउँपालिकामा एमालेको अग्रता छ भने लम्की चुँवा नगरपालिका, घोडाघोडी नगरपालिका, चुरे गाउँपालिकामा पनि मतगणना सुरु भएको छ । तर अझै पनि गोदावरी नगरपालिका र मोहन्याल गाउँपालिकामा अझै सुरु हुन सकेको छैन ।
प्यूठानका सरुमारानी र मल्लरानी गाउँपालिकामा मतगणना चलिरहेको छ । अहिले मतगणना भइरहेका दुईवटै तहमा एमाले अघि छ ।
मल्लरानी गाउँपालिकामा एमालेका अध्यक्ष उम्मेदवारले १९१ र उपाध्यक्ष उम्मेदवारले १६४, राष्ट्रिय जनमोर्चाका अध्यक्ष उम्मेदवारले १३२ र उपाध्यक्ष उम्मेदवारले १३१, कांग्रेसका अध्यक्ष उम्मेदवारले १२४ र उपाध्यक्ष उम्मेदवारले १२३ तथा माओवादी केन्द्रका अध्यक्ष उम्मेदवारले ९५ र उपाध्यक्ष उम्मेदवारले १०० मत प्राप्त गरेका छन् ।
यस्तै सरुमारानी गाउँपालिकाको अध्यक्षमा एमालेका अध्यक्ष उम्मेदवारले ३७९ र उपाध्यक्ष उम्मेदवारले ३६८, माओवदीका अध्यक्ष उम्मेदवारले ३१४ र उपाध्यक्ष उम्मेदवारले ३ सय ७, कांग्रेसका अध्यक्ष उम्मेदवारले २ सय ७५ र उपाध्यक्ष उम्मेदवारले २ सय ८३ मत प्राप्त गरेका छन् । ७ गाउँपालिका र २ नगरपालिका रहेका प्यूठानका अन्य स्थानीय तहमा पनि मतगणनाको अन्तिम तयारी भइरहेको छ ।
बाजुराको बुढीनन्दा नगरपालिकाको वडा नम्बर १ मा नेपाली कांग्रेस प्यानलसहित विजयी भएको छ । १ नम्बर वडाको वडा अध्यक्षमा निर्पराज खत्री ४ सय ५ मत ल्याएर प्यानलसहित विजयी हुनु भएको हो ।
कांग्रेसका मेयरका उम्मेदवार पदम गिरीले ४१३, एमालेका मेयरका उम्मेदवार जनक बोहराले ३३८, माओवादी केन्द्रका भरत बिकले ९८ मत ल्याउनु भएको छ । उपमेयरमा कांग्रेसकी रीता शाही सिंहले ३५३, एमालेकी श्रृष्टि रेग्मीले ३९६ र माओवादी केन्द्रकी रामकला लोहारले ६१ मत ल्याउनु भएको छ ।
हिमाली गाउँपालिकाका चारवटा मतदान केन्द्रका मतपेटिका अझै पनि मतगणना स्थलसम्म ल्याउन सकिएको छैन । मौसम सफा नभएकोेले हेलिकोप्टर उड्न नसक्दा मतपेटिका ल्याउन नसकिएको हो ।
प्रतिक्रिया