जब ध्वस्त बनेको घरबाट उद्दारकर्मीले ११ महिने बच्चाको आवाज सुने
सारांश
- बीबीसी।
- रसियाको माग्नितोगोस्र्क शहरमा अहिले त्यहाँको तापमान माइनस १७ डिग्री सेल्सियससम्म पुगेको छ।
- सोमबार त्यहाँ ग्यास धमाकाबाट भत्किएको एक अपार्टमेन्ट कम्लेक्सबाट बचेका मानिसको उद्दारको लागि पनि निकै कठिनाई छ।
बीबीसी। रसियाको माग्नितोगोस्र्क शहरमा अहिले त्यहाँको तापमान माइनस १७ डिग्री सेल्सियससम्म पुगेको छ।
सोमबार त्यहाँ ग्यास धमाकाबाट भत्किएको एक अपार्टमेन्ट कम्लेक्सबाट बचेका मानिसको उद्दारको लागि पनि निकै कठिनाई छ। तर मंगलबार उक्त ध्वस्त बनेको कम्पलेक्सबाट ११ महिने बच्चाको जिवितै उद्दार गरिएको छ।
त्यहाँको स्थानीय मिडियाका अनुसार बचाउ दलले बच्चा रोएको आवाज सुनेपछि उनको उद्दार गरिएको हो। उद्दारपछि ११ महिनेका इवान नाम रहेको यी बालकको अवस्था गम्भिर रहेका कारण उपचारका लागि राजधानी मस्को लगिएको बीबीसीमा उल्लेख गरिएको छ।
बीबीसीका अनुसार इवान गम्भिर शीतलहरको शिकारका साथै उनको टाउकोमा चोट लागेको छ। साथै उनको हात र खुट्टामा चोट लागेको छ। रसियाको आपतकालिन मन्त्रालयकाअनुसार इवानकी आमा सुरक्षित छन् र उनले अस्पतालमा रहेका आफ्नो छोरा इवानसँग पनि भेट गरिसकेकी छन्।
प्रतिक्रिया