यस्तो छ, ३ वटै प्रदेशमा पार्टीहरुको पछिल्लो मतपरिणाम, एमालेको अग्रता कायमै

काठमाण्डौ । दोश्रो चरणको निर्वाचनको मतगणना प्रक्रिया जारी रहेको छ । पछिल्लो मतगणना परिणामअनुसार नेकपा एमाले अगाडि देखिएको छ । पछिल्लो मतपरिणाम अनुसार १ स्थानमा विजयी हासिल गरेको एमालेले ७२ स्थानमा अग्रता हासिल गरिरहेको छ  । त्यसैगरी नेपाली कांग्रेसले पनि १ ठाउँमा विजयी हासिल गरेको छ भने ७० स्थानमा अग्रता हासिल गरेको छ । त्यस्तै माओवादी केन्द्रले पनि १ स्थानमा विजय प्राप्त गरेको छ भने २२ स्थानमा अग्रता हासिल गरेको छ ।  फोरम र नयाँ शक्तिले ५ स्थानमा अग्रता हासिल गरिरहेका छन् । त्यस्तै, फोरम लोकतान्त्रिकले ५ स्थानमा अग्रता हासिल गरिरहेको छ भने राप्रपाले २ स्थानमा अग्रता हासिल गरिरहेको छ । त्यस्तै अन्य साना दलहरुले ३ स्थानमा अग्रता हासिल गरिरहेका छन् ।  प्रमुख पदमा नेपाली कांग्रेस बझाङको काँडा गाउँपालिका अध्यक्ष राजेन्द्र धामी विजयी भएका हुन् । नेकपा एमालेले बझाङको मस्टा गाउँपालिका अध्यक्ष जित हासिल गर्यो भने माओवादी केन्द्रका कर्णबहादुर कठायत सोलुखुम्बुको लिखुपिके गाउँपालिका अध्यक्षमा विजयी भए ।   नेपाली कांग्रेस बझाङको काँडा गाउँपालिका उपाध्यक्षमा कल्पना बोहरा , नेकपा एमाले बझाङको मस्टा गाउँपालिका उपाध्यक्षमा भगवती बोहरा माओवादी केन्द्र सोलुखुम्बुको लिखुपिके गाउँपालिका उपाध्यमा विजयी भएका छन् ।