दिल्लीमा आँधी, हावाहुरीपछि पुगेको जहाज काठमाडौंमै अवतरण
सारांश
- काठमाडौँ ।
- खराब मौसमका कारण काठमाडौँबाट १ सय ६ जना यात्रु बोकेर दिल्ली उडेको नेपाल वायुसेवा निगमको एयरबस अवतरण नगरी काठमाडौँ फर्केर आएको छ ।
- दिल्लीको इन्दिरागान्धी विमानस्थलमा आँधी, हावाहुरी, तुवाँलो खराब मौसमले बिमान अवतरण हुन नसकेपछि काठमाडौं फर्केको हो ।
काठमाडौँ । खराब मौसमका कारण काठमाडौँबाट १ सय ६ जना यात्रु बोकेर दिल्ली उडेको नेपाल वायुसेवा निगमको एयरबस अवतरण नगरी काठमाडौँ फर्केर आएको छ ।
दिल्लीको इन्दिरागान्धी विमानस्थलमा आँधी, हावाहुरी, तुवाँलो खराब मौसमले बिमान अवतरण हुन नसकेपछि काठमाडौं फर्केको हो । हिजो दिनभर काठमाडौंमासमेत पानी परेको थियो ।
आरएनए २१७ नम्बरको एयरबस बिहीबार बेलुकी साढे ५ बजे काठमाडौंबाट उडेको विमान साँझ साढे ८ बजे काठमाडौंमै अवतरण गरेको थियो । काठमाडौंबाट दिल्ली पुग्न हाराहारी १ घण्टा ५० मिनेट जति हाराहारी समय लाग्छ ।
दिल्लीस्थित इन्द्रिरागान्धी अन्तर्राष्ट्रिय विमानस्थलको खराब मौसमका कारण निगमको विमान अवतरण हुन नसकेर काठमाडौँ फर्किएको निगमका प्रवक्ता नवराज कोइरालाले सञ्चारमाध्यमलाई जानकारी दिएका छन् ।
दिल्लीको विमानस्थलमा खराब मौसम भएका कारण विमान फर्कनु परेको हो । दिल्ली एअरपोर्टमा आँधी र हावाहुरीका कारण विमान काठमाडौं फर्किनुपरेको निगमले जनाएको छ ।
प्रतिक्रिया