मन्त्री बीना मगर राना थारू पहिरनमा यस्ती देखिइन्

काठमाडौं । आफ्नो निर्वाचन क्षेत्र पुगेकी खानेपानी मन्त्री बीना मगर थारु पहिरनमा सजिएर भाषण गरेपछि स्थानीय सबैजना खुसी भए । कंचनपुरको लालझाडी गाउँपालिकाले आयोजना गरेको राना थारूहरुको होली मिलन कार्यक्रममा प्रमुख अतिथिका रूपमा पुगेकी मन्त्री मगरले थारु पहिरन गरेकी हुन् ।

खानेपानी मन्त्रीको पहिरनमा राना थारुहरुको संस्कृति र पहिचान झल्किएको देखिन्थ्यो । अल्पसंख्यक राना थारू समुदायको कला संस्कृति र भेषभुषाको जगेर्ना गर्न आफुले पहिरन लगाएको स्पष्ट पारेकी थिइन् ।

देशभर रहेका यस्ता थुप्रै अल्पसंख्यक जातजातिको कला संस्कृति र पहिचानको संरक्षण गर्नु राज्यको दायित्व भएको मन्त्री मगरको भनाइ थियो । मन्त्री मगरले राना थारु होम स्टे र उधानको शिलान्यास गरिन् । त्यसैगरी कला संस्कृतिको जगेर्ना नभई होम स्टेबाट स्थानीय समुदायको आय आर्जनममा बृद्धि हुने बताइन्।