एशिया कप २०२०को आयोजना पाकिस्तानले गर्ने
सारांश
- एजेन्सी ।
- एशिया कप २०२०को आयोजना पाकिस्तानले गर्ने भएको छ।
- मंगलबार एसियन क्रिकेट काउंसिल सिंगापुरमा भएको बैठकमा यो पटक पाकिस्तानलाई एसिया कप आयाजना गर्न दिने निर्णय भएको हो।
एजेन्सी । एशिया कप २०२०को आयोजना पाकिस्तानले गर्ने भएको छ। मंगलबार एसियन क्रिकेट काउंसिल सिंगापुरमा भएको बैठकमा यो पटक पाकिस्तानलाई एसिया कप आयाजना गर्न दिने निर्णय भएको हो। २०२० मा हुने टी–ट्वान्टी विश्वकप भन्दा पहिले हुने एसिया कपको स्थान भने तोकिएको छैन्। एसिया कप खेल्ने अधिकांश देशहरु पाकिस्तानमा गएर नखेल्ने भएका कारण यो टुर्नामेन्ट यूएईमा हुने सम्भावना रहेको छ। पाकिस्तानले आफ्ना घरेलु खेलहरु युएईमै आयोजना गर्ने गरेको छ।
एसीसीका सदस्यहरुसग सल्लाह गरेर खेल हुने ठाउँको फैसला गर्ने पाकिस्तान क्रिकेट बोर्डले जनाएको छ। तर भारतीय क्रिकेट कन्ट्रोल बोर्ड (बीसीसीआइ)ले भने खेल युएईमै हुनुपर्ने अडान लिएको छ। अघिल्लो वर्षको एसिया कप भारतले आयोजना गरेको थियो। पाकिस्तानले भारतमा आएर खेल्न नमानेको कारण उक्त खेल पनि युएईमा भएको थियो।
अघिल्लो वर्ष एकदिवसीय फर्म्याटमा खेलिएको एसिया कप आगामी वर्ष भने टी–ट्वान्टी फर्म्याटमा हुनेछ।
प्रतिक्रिया