भारतले चन्द्रमामा पठायो चन्द्रयान

काठमाडौं। भारतले आफ्नो अन्तरिक्ष इतिहासमै पहिलो पटक चन्द्रमाको सतहमै अवतरण गर्नेगरी अन्तरिक्षयान पठाएको छ । चन्द्रयान–२ नाम दिइएको यो यान चन्द्रमाको दक्षिणी ध्रुवमा अवतरण गर्नेछ । अहिलेसम्म चन्द्रमाको दक्षिणी ध्रुवमा कुनै पनि अन्तरिक्षयान अवतरण गरेको छैन ।यो भारतले यसअघि पठाएको चन्द्रयान १ कै दोस्रो संस्करण हो ।

चन्द्रयान १ मा भारतीय अन्तरिक्ष अनुसन्धान संस्थान (इसरो)ले अर्बिटर मात्र पठाएको थियो । यसपटक भने अर्बिटरसँगै ल्याण्डर र रोभर पनि पठाइएको थियो । यसअघि पठाइएको अर्बिटर चन्द्रमाको कक्षमा मात्र पुगेर चन्द्रमाको परिक्रमा गरेको थियो । अहिले पठाइएको अर्बिटर पनि चन्द्रमाको कक्षमा नै रहनेछ

तर अर्बिटरसँगै पठाइएका ल्याण्डर र रोभर अर्बिटरबाट छुट्टिएर चन्द्रमाको सतहमा अवतरण गर्नेछन् । अर्बिटरले चन्द्रमाको कक्षामा घुमेर चन्द्रमाको सतहको नक्शा तयार गर्नेछ । अर्बिटरले पृथ्वीको समयअनुसार १ वर्ष काम गर्नेछ । अर्बिटरबाट छुट्टिएर चन्द्रमाको सतहमा जाने ल्याण्डर र रोभरले चन्द्रमाको समयअनुसार १ दिन ९पृथ्वीको समयअनुसार १४ दिन० काम गर्नेछन् ।

ल्याण्डरले चन्द्रमामा भूकम्प आउँछ कि आउँदैन भन्ने विषयमा अनुसन्धान गर्नेछ भने रोभरले चन्द्रमाको सतहमा भएका खनिज तत्व, तिनीहरुको मात्रा आदिको बारेमा अनुसन्धान गर्नेछ । चन्द्रयान–२ आज लञ्च भएको भए पनि ४८ दिनपछि मात्र चन्द्रमाको सतहमा अवतरण गर्नेछ । त्यहाँ जानुअघि यसले पृथ्वीको ४ पटक परिक्रमा गर्नेछ ।