प्रधानमन्त्री कार्कीको सिफारिसमा भण्डारी पहिलो महिला महान्यायाधिवक्ता बन्ने

काठमाडौं – प्रधानमन्त्री सुशीला कार्कीले वरिष्ठ अधिवक्ता सविता भण्डारीलाई महान्यायाधिवक्ताको पदमा सिफारिस गर्नुभएको छ। प्रधानमन्त्रीको सिफारिसअनुसार राष्ट्रपति रामचन्द्र पौडेलले नियुक्ति गर्नेबित्तिकै भण्डारी नेपालको पहिलो महिला महान्यायाधिवक्ता बन्नेछिन्।

नेपालको न्याय प्रणालीमा ऐतिहासिक प्रगति स्वरूप भण्डारीको नाम अघि सारिएको हो। विधि व्यवसायमा लामो अनुभव, सत्यनिष्ठा र कानुनी हैसियतका कारण उहाँलाई यो जिम्मेवारीका लागि उपयुक्त ठानिएको प्रधानमन्त्रीको सचिवालयले जनाएको छ।

यसअघि महान्यायाधिवक्ताको पदमा पुरुष मात्र नियुक्त हुँदै आएको अवस्थामा अब पहिलोपटक महिला कानुन व्यवसायीले नेतृत्व पाउने भएका छन्। यसले नेपालको कानुनी क्षेत्रमा लैंगिक समानताको नयाँ आयाम थप्ने अपेक्षा गरिएको छ।

नियुक्तिपछि भण्डारीले मुलुकको कानुनी सुधार, न्याय सुनिश्चितता र संविधानको कार्यान्वयनमा सक्रिय भूमिका निर्वाह गर्ने विश्वास गरिएको छ।