गजल : पल्लो घरे साइँलो…
सारांश
- पल्लो घरे साइँलो पनि खाडी आएछ !
- त्यो गाउँ त्यो देश घरपरिवार छाडी आएछ !
- !
पल्लो घरे साइँलो पनि खाडी आएछ !
त्यो गाउँ त्यो देश घरपरिवार छाडी आएछ !!
तीन जोर लुगासँगै ठुलो सपना बोकेर,
बालबच्चा आफन्तसँग टाढी आएछ !
प्रदेशमा पैसा फल्छ भन्ने सुन्यो क्यारे,
हल गोरु बेचेर ऋण काढी आएछ !
गाउँमा बाँकी एकमात्र युवा थियो उ,
शुन्य पारी उ नि गाउँ उजाडी आएछ !
विदेशिन्न स्वदेशमै केही गर्छु भन्थ्यो,
आज उही पुरानो गफाडी आएछ !
मुस्कुराको सुन्दर त्यो बस्ती बगायो रे,
गाउँमै पनि हिजो भर्खर बाढी आएछ !
गाउँकै आशा भरोसा उसमै थियो सबको,
विनाशकारी विपत् आउनु अगाडि आएछ !
– मोहन अभिलाषी !
कुल कमेन्ट:
0
Shikhar Khabar
लेखकबाट थप
यो खबर पढेर तपाईंलाई कस्तो महसुस भयो ?
प्रतिक्रिया