अमजद खान कसरी बने गब्बर सिंह ?
सारांश
- बलिउड फिल्म शोलेका गब्बर सिंह अर्थात् अमजद खान भारतीय फिल्म उद्योगकै त्यस्ता कलाकार हुन् जो एउटै फिल्मको कारण जीवनभर चर्चामा रहे ।
- भनिन्छ शोले प्रदर्शन भएको केही वर्षसम्म कुनै बालबालिका रोए भने फकाउनका लागि आमाहरुले ‘सुत बाबु अहिले फेरी गब्बर सिंह आउँछ’ भन्ने गर्थे ।
- धेरैलाई थाहा नहुन सक्छ गब्बर सिंहको रोलका लागि सुरुमा अमजद खानलाई अफर गरिएको थिएन ।
बलिउड फिल्म शोलेका गब्बर सिंह अर्थात् अमजद खान भारतीय फिल्म उद्योगकै त्यस्ता कलाकार हुन् जो एउटै फिल्मको कारण जीवनभर चर्चामा रहे ।
भनिन्छ शोले प्रदर्शन भएको केही वर्षसम्म कुनै बालबालिका रोए भने फकाउनका लागि आमाहरुले ‘सुत बाबु अहिले फेरी गब्बर सिंह आउँछ’ भन्ने गर्थे । धेरैलाई थाहा नहुन सक्छ गब्बर सिंहको रोलका लागि सुरुमा अमजद खानलाई अफर गरिएको थिएन । गब्बर सिंहको रोल सुरुमा डेनी डेजजोङ्पालाई भनिएको थियो । डेनीले अभिनय गर्ने भनेर स्क्रिन नामको पत्रिकामा फोटो समेत छापिएको थियो ।
तर त्यही समय डेनी धर्मात्मा फिल्मको सुटिङका लागि अफगानिस्तान जानु पर्ने भए पछि उनले गब्बर सिंहको रोल छोडे । डेनी नभए पछि सलमान खानका पिता सलिम खानले जावेद अख्तरलाई अमजद खानको बारेमा बताए । जावेदले अमजदलाई केही वर्ष पहिले नै दिल्लीमा कुनै एक नाटकमा अभिनय गर्दैगर्दा देखेका थिए ।
त्यतिबेलाको अमजदको अभिनयको सलिमले पनि तारिफ गरेका थिए । खतरनाक भिलेनको खोजी रहेका शोलेका लेखकद्वय सलिम र जावेदले तुरुन्तै उनलाई सम्पर्क गरी गब्बर सिंहको रोलमा अभिनय गर्न प्रस्ताव राखे । यसरी डेनीले नभ्याए पछि मौका पाएका तीन अमजद खान फिल्म प्रदर्शन भए पछि यति चर्चित बनेकी कि मान्छेले उनको वास्तविक नाम नै बिर्सिए । धेरै फिल्ममा अभिनय गरेका थिए अमजदले । तर उनलाई जीवनपर्यन्त सम्झि रहने माध्यम भने शोलेको गब्बर सिंहको रोल मात्रै बन्यो ।
अमजद कतिसम्म चर्चित थिए भने, शोले प्रदर्शन भए पछि उनलाई भारतको एउटा बिस्कुट कम्पनीले ब्राण्ड एमबेसडर नै बनायो । कुनै पनि भारतीय फिल्मको भिलेनले एउटा कम्पनीका लागी ब्राण्ड एम्बेसडर नै बनेको यो पहिलो घटना थियो ।
प्रतिक्रिया