काठमाडौं ५ मा विवादै विवाद, कांग्रेस प्रतिनिधि निकालिए
सारांश
- काठमाडौं क्षेत्र नम्बर ५ मा तेस्रोपटक मतगणाना रोकिएको छ ।
- शुक्रबार दिउँशो २ बजे स्थगित भएको मतगणना केहीबेरअघिदेखि मतगणना रोकिएको हो ।
- १२८२ मत गनेपछि पुनः मतगणना स्थगित भएको हो ।
काठमाडौं क्षेत्र नम्बर ५ मा तेस्रोपटक मतगणाना रोकिएको छ । शुक्रबार दिउँशो २ बजे स्थगित भएको मतगणना केहीबेरअघिदेखि मतगणना रोकिएको हो । १२८२ मत गनेपछि पुनः मतगणना स्थगित भएको हो ।
बिहान नौ बजे पुनः मतगणना सुरु भएपनि पाँचवटा हस्ताक्षर भएको मतपत्र भेटिएपछि पुनः स्थगित भएको हो । यता हस्ताक्षर नमिलेको भन्दै विवाद गरेपछि नेपाली कांग्रेसका प्रतिनिधि उत्तर पाठकलाई मतगणना स्थलबाट बाहिर निकालिएको छ ।
गयराति गणना गर्न खोज्दा पनि मुचुल्का भन्दा तीन भोट बढी मतगणना हुन सकेको थिएन । निर्वाचन अधिकृतले भने नमूना हस्ताक्षर अनुसार भएकाले मतगणना समस्या नदेखिएको बताए ।
नेपाली कांग्रेसका प्रतिनिधि अशोक न्यौपानेका अनुसार गुठीघर सट्टल क र युनिभर्सल स्कुल ख, सरस्वती मावि ख, स्काई लार्क कको मत गणना भइरहेको थियो ।
काठमाडौं क्षेत्र ५ वामगठबन्धनका ईश्वर १४०० मत आएको थियो । उनका प्रतिष्पर्धी कांग्रेसका नेता प्रकाशरण महतको २९८ मत आएको थियो। सो क्षेत्रमा विवेकशील साझा पार्टीका उज्जव थापाको १८३ मत आएको छ । क्षेत्र नम्बर ५ मा ३५ मत बदर भएको छ ।
प्रतिक्रिया