उपेन्द्र यादवले कसैको इच्छा पुरा गर्न सक्दैनन् : अनिल झा
सारांश
- असार १४, काठमाण्डौ ।
- राष्ट्रिय जनता पार्टीका नेता अनिल झाले सरकारलाई विश्वासको मत दिएकोमा कुनै पश्चाताप नभएको बताएका छन् ।
- विश्वासको मत दिएको विषयमा पार्टीभित्र विवाद पनि नभएको उनले दाबी गरे ।
असार १४, काठमाण्डौ । राष्ट्रिय जनता पार्टीका नेता अनिल झाले सरकारलाई विश्वासको मत दिएकोमा कुनै पश्चाताप नभएको बताएका छन् । विश्वासको मत दिएको विषयमा पार्टीभित्र विवाद पनि नभएको उनले दाबी गरे ।
नेपाली रेडियो नेटवर्कको कार्यक्रम नेपाली बहसमा बाेल्दै झाले सरकारमा गइएन भने बाँच्नै गाह्रो हुन्छ भन्ने जसरी प्रचार नगर्न आग्रह गरे ।
राजपाका नेताहरु सरकारमा जानका लागि खुट्टा उचालेर बसेका छन् भन्ने कुरा गलत भएको झाले बताए । केही दिन अघि सघीय समाजवादी फोरमका अध्यक्ष उपेन्द्र यादवले राजपा सरकारमा जान खुट्टा उचालेर बसेको र सरकारमा जाने ईच्छा आफूले पूरा गरिदिने बताएका थिए ।
तर झाले भने राजपाको ईच्छा उपेन्द्रले पूरा गर्न आवश्यक नरहेको जवाफ दिए ।
“उहाँलाई आफै सरकारमा जानु थियो । राजपा सरकारमा जान खुट्टा उचालेको छ भने म इच्छा पूरा गरिदिन्छु भन्नुभयो । हाम्रो ईच्छा पूरा गरिदिनुपर्ने कुनै आवश्यकता छैन । मलाई थाहा भएसम्म उहाँ यो दुनियाँमा धेरै कम मान्छेको मात्रै ईच्छा पूरा गर्नुहुन्छ ।” झाले भने ।
अहिले तत्काल राजपा सरकारमा जाने कुनै रणनीति नभएको झाले बताए ।
प्रतिक्रिया