भाग्यले ठगेका एमालेका यी प्रभावशाली नेताहरु
सारांश
- काठमाडौँ, ६ माघ ।
- राष्ट्रियसभा सदस्यको उम्मेदवारको लागि एमालेको केन्द्रीय कमिटीको निर्देशन अनुसार जिल्ला कमिटीले नाम सिफारिस गरिसकेका छन् ।
- तर जिल्लाबाट गरिएको सिफारिसमा एमालेका केही प्रभावशाली नेताहरुको नाम अटाएन ।
काठमाडौँ, ६ माघ । राष्ट्रियसभा सदस्यको उम्मेदवारको लागि एमालेको केन्द्रीय कमिटीको निर्देशन अनुसार जिल्ला कमिटीले नाम सिफारिस गरिसकेका छन् । तर जिल्लाबाट गरिएको सिफारिसमा एमालेका केही प्रभावशाली नेताहरुको नाम अटाएन ।
प्रदेश नम्बर ३ मा मन्त्रीसमेत भइसकेका प्रभावशाली नेताहरु जिल्लाको राष्ट्रियसभा सदस्य सिफारिसमा परेनन् । राष्ट्रियसभा सदस्यका प्रबल दाबेदार मानिएका एमाले नेताहरु प्रदीप नेपाल, रघुजी पन्त, बेदुराम भुसाल, गंगालाल तुलाधर, महेन्द्रबहादुर पाण्डे, गोपाल शाक्य लगायतका नेताहरुलाई जिल्लाले राष्ट्रियसभाको लागि सिफारिस गरेन । भुसालबाहेक सबै नेता मन्त्री भइसकेका छन् । नेपाल र तुलाधार पूर्व शिक्षामन्त्री हुन् भने पन्त श्रम तथा यातायात मन्त्री भइसकेका छन् । त्यसैगरी पाण्डे पूर्वपरराष्ट्रमन्त्री हुन् ।
त्यस्तै एमाले अनुशासन आयोगका अध्यक्ष अमृत बोहोरा लगायतका नेताहरुको नाम पनि जिल्लाको सिफारिसमा अटाएन । बोहोरा पार्टीको कार्यबाहक महासचिवको भूमिकासमेत निर्वाह गरिसकेका नेता हुन् ।
प्रदेश नम्बर ४ बाट वाचस्पति देवकोटा पनि जिल्लाको सिफारिसमा नपरेको नाम हो । प्रदेश नम्बर ७ बाट राष्ट्रियसभाका आकांक्षी पार्टी नेताहरु भानुभक्त जोशी, गोविन्द कलौनीहरुको नाम पनि कटाइएको छ । दैनिकनेपाल
प्रतिक्रिया