मोदी भ्रमण : प्रधानमन्त्री र परराष्ट्रमन्त्री एक ठाउँमा, अरु मन्त्रीहरु विभाजित !
सारांश
- काठमाडौं, १ जेठ ।
- भारतीय प्रधानमन्त्री नरेन्द्र मोदीको दुई दिने नेपाल भ्रमण सम्पन्न भएको आज दुई दिन वितिसकेको छ ।
- मोदीको भ्रमणलाई लिएर नेपाल सरकारका मन्त्रीहरु नै विभाजित बनेका छन् ।
काठमाडौं, १ जेठ । भारतीय प्रधानमन्त्री नरेन्द्र मोदीको दुई दिने नेपाल भ्रमण सम्पन्न भएको आज दुई दिन वितिसकेको छ । मोदीको भ्रमणलाई लिएर नेपाल सरकारका मन्त्रीहरु नै विभाजित बनेका छन् ।
मोदीको नेपाल भ्रमण पूर्ण रुपमा सफल भएको प्रधानमन्त्री केपी शर्मा ओलीले संसदमै बोलिसकेका छन् । परराष्ट्रमन्त्री प्रदिप ज्ञवालीले त मोदीलाई विमानस्थलमा विदाई गरेलगत्तै भ्रमण सफल भएको भनेर आफ्नो प्रतिक्रिया दिएका थिए ।
हिजो साँझ बसेको मन्त्रिपरिषद बैठकमा मोदीको भ्रमणलाई लिएर केही छलफल भएको बुझिएको छ । प्रधानमन्त्री ओली र मन्त्री ज्ञवालीले भ्रमणको बारेमा जथाभावी टिकाटिप्प्णी गर्नुको कुनै औचित्य नभएको बताएका थिए ।
तर केही मन्त्रीहरुले भने मोदीको भ्रमण जनकपुरबाट सुरु नभई काठमाडौंबाटै सुरु गराउन सकेको भए धेरै राम्रो हुनेथियो भन्ने टिप्प्णी गरेका थिए । उनीहरुले मोदीले काठमाडौंबाट भ्रमणको आरम्भ गर्न सकेको भए धेरै राम्रो हुन्थ्यो भन्ने भनाई राखेका थिए ।
मोदी भ्रमण क्रममा माओवादीका मन्त्रीहरुलाई प्रतिनिधिमण्डलस्तरीय संयुक्त भेटवार्तामा सहभागी नगराएकोबारेमा पनि हिजोको क्याविनेटमा कुरा उठेको स्रोतको दाबी छ ।
प्रतिक्रिया