मदन भण्डारीको नाममा बन्ने भो राजमार्ग

काठमाडौं, ७ जेठ- तत्कालीन एमालेका महासचिव तथा लोकप्रिय नेता मदन भण्डारीको नाममा राजमार्ग निर्माण हुने भएको छ ।

सोमबार बसेको मन्त्रीपरिषदको वैठकले मदन भण्डारी राजमार्ग निर्माणसम्बन्धी भौतिक पूर्वाधार तथा यातायात मन्त्रालयको प्रस्ताव पारित गरेको छ ।

झापाको शान्तिनगरदेखि चतरा–गाईघाट–कटारी–सिन्धुलीमाढी–हेटौँडा–गैँडाकोट–रामपुर– तम्घास–सिमलटारी, प्यूठान, घोराही, तुलसीपुर, बोटेचौर, सुर्खेत, बट्टचौर–सीमचौर, बिपीनगर, सहजपुर,जोगबुढा र रुपालसम्म पुग्नेगरी १२ सय किलोमिटरको चुरे तथा भित्रीमधेश जोड्ने गरी मदन भण्डारी राजमार्ग निर्माणसम्बन्धी प्रस्ताव स्वीकृत गरेको हो ।

मदन भण्डारी र अर्का नेता जीवराज आश्रितको २०५० साल जेठ ३ मा सवारी दुर्घटनामा परी निधन भएको थियो ।

त्यसैगरी, वैठकले मुख्यमन्त्री तथा प्रदेश मन्त्रालयका कर्मचारीसम्बन्धी परिमार्जित संगठन संरचना प्रस्ताव पनि मन्त्रिपरिषद्ले स्वीकृत गरेको सूचना प्रविधि तथा सञ्चार राज्यमन्त्री गोकुलप्रसाद बाँस्कोटाले जानकारी दिएका छन् ।