विश्वकपफुटबल २०१८ मा आजका खेलहरु

रसियामा जारी विश्वकप फुटबल २०१८ अन्तिम १६ अन्तर्गत आज दुई खेल खेलिंदैछन् ।

अहिलेसम्म ४ नक-आउट खेल खेलिंदा उरुग्वे, फ्रान्स, रुस र क्रोएसिया छनोेट हुन सफल भएका छन् भने अर्जेन्टिना, पोर्चुगल, स्पेन र डेनमार्क बाहिरिएका छन् ।

आजका विश्वकपका खेलहरु यस प्रकारका छन
पहिलो खेल
ब्राजिल विरुद्ध मेक्सिको
समय ७:४५ बजे
ब्राजिल समूह ‘ई’ को विजेताका रुपमा अन्तिम १६ मा छनोट हुन सफल भएको हो । ब्राजिलले आफ्नो ३ खेलमा ५ गोल गर्दै १ गोल खाएको छ । ब्राजिलका लागि मिडफिल्डर फिलिप कौटिन्होले सर्वाधिक २ गोल गरेका छन् । त्यस्तै मेक्सिको भने समूह ‘एफ’ को उपविजेताका रुपमा छनोट हुन सफल भएको हो । जर्मनीलाई पहिलो खेलमा हराएको मेक्सिकोले २ जित तथा १ हार बेहोरेको छ । मेक्सिकोले ३ गोल गर्दै ४ गोल खाएको पनि छ ।
दोस्रो खेल
बेजियम विरुद्ध जापान
समय ११:४५ बजे
त्यस्तै अर्को खेलमा शतप्रतिशत नतिजा कायम गरेको बेल्जियम एसियाली राष्ट्र जापानको सामना गर्ने छ । बेल्जियमले ९ गोल गरेको छ जुन कुनै पनि राष्ट्रका लागि समूह चरणमा सबैभन्दा धेरै हो भने केवल दुई गोल खान पुगेको छ । समूह ‘जी’ को विजेता बेल्जियमका लागि रोमेलु लुकाकुले ४ गोल गरेका छन् ।

जापान भने समूह ‘एच’ को उपविजेताको रुपमा छनोट भएको थियो । ३ खेलमा ४ गोल गर्दै ४ गोल खाएको जापानले पहिलो खेलमा कोलम्बियालाई निराश पारेको थियो ।
विश्वकपमा अप्रत्यशित नतिजाहरु आइराखेकाले र जापान र मेक्सिकोले यस अघि बलिया राष्ट्रहरुलाई हराइसकेकाले बेल्जियम र ब्राजिल आज शतर्क अवश्य हुने छन् ।