जीवित सालक सहित पक्राउ

काठमाडौं, २२ असार ।  महाराजगंजबाट  जिवित सालक सहित २ जना पक्राउ परेका छन ।

बातावरण तथा बन्यजन्तुसंग सम्बन्धीत अपराध रोकथाम, नियन्त्रण तथा अनुसन्धानको लागि केन्द्रीय अनुसन्धान व्यूरो महाराजगंजबाट खटिएको प्रहरी टोलीले जिवित सालक सहित २ जनालाई पक्राउ गरेको हाे ।

पक्राउ पर्नेहरुमा काठमाडौं चन्द्रागिरी नगरपालिका–२ बस्ने २९ वर्षीय राजेन्द्र तामाङ र बाग्लुङ निसिखोला गाउँपालिका २ बस्ने ३१ वर्षीय दुर्गा बहादुर बि क रहेका छन् ।

उनीहरुलाई प्रहरीले बिहीबार काठमाडौं महानगरपालिका–४ शंखपार्क अगाडीबाट अवैध रुपमा खरिद बिक्री गर्न बोकी हिडेको अवस्थामा पक्राउ गरेको हो ।

उनीहरुलाई आवश्यक कारवाहीको लागि जिल्ला बन कार्यालय हात्तिसारमा पठाउनुका साथै जिवित सालक संरक्षणका लागि सदर चिडियाखाना जावलाखेलमा बुझाइएको सो ब्युरोले जनाएको छ ।