साउन १ गतेदेखि सेयरको परीक्षण अनलाइन कारोबार
सारांश
- काठमाडौं – साउन १ गतेदेखि परीक्षणको रुपमा सेयरको अनलाइन कारोबार सुरु हुने भएको छ ।
- यसको लागि नेपाल स्टक एक्सचेन्जले पूर्वाधार निर्माणको काम अन्तिम चरणमा पुर्याएको जनाएको छ ।
- अनलाइन कारोबारको लागि साउन १ गतेदेखि नयाँ नियमावली कार्यान्वयनमा ल्याउन तयारी अन्तिम चरणमा पुगेको धितोपत्र बोर्डका प्रवक्ता निरज गिरीले बताए।
काठमाडौं – साउन १ गतेदेखि परीक्षणको रुपमा सेयरको अनलाइन कारोबार सुरु हुने भएको छ । यसको लागि नेपाल स्टक एक्सचेन्जले पूर्वाधार निर्माणको काम अन्तिम चरणमा पुर्याएको जनाएको छ ।
अनलाइन कारोबारको लागि साउन १ गतेदेखि नयाँ नियमावली कार्यान्वयनमा ल्याउन तयारी अन्तिम चरणमा पुगेको धितोपत्र बोर्डका प्रवक्ता निरज गिरीले बताए। उनका अनुसार केहि मिडियाले साउन १ गते बाट कारोवार नै हुने भनेर लेखिए पनि १ गते बाट भने परिक्षणका रुपमा मात्र शुरु हुने बताए ।
नेप्सेका प्रवक्ता मुराहरि पराजुलीले पनि साउन १ गतेदेखि परिक्षणका रुपमा अनलाइन कारोबार गर्ने अन्तिम तयारी भएको जानकारी दिए ।
सेयरको अनलाइन कारोबारको डेटा राख्नको लागि एक्सेस वल्र्ड टेक्नोलोजी र सिल्भर लाइनिङले सर्भर उपलब्ध गराउने भएका छन् । ब्रोकरले आइटीको पूर्वाधार नबनाउने र यी दुबै सेवा प्रदायकले प्रदान गरेको सर्भरमा ब्रोकरले क्लाउड बेस्डमा डेटा होस्टिङ गर्नेछन् ।
सर्भर उपलब्ध गराउने सेवा प्रदायकको सर्भरमा नेपाल स्टक एक्सचेन्जले अहिलेको ट्रेड म्यानेजमेन्ट सिस्टम (टीएमएस) जडान गर्नेछ ।
अनलाइन कारोबारको लागि ब्रोकर, नेप्से र सेवा प्रदायकले आन्तरिक रुपमा टेस्टिङको काम गरिरहेका छन् । धितोपत्र बोर्डले धितोपत्र सुचिकरण तथा कारोबार नियमावली २०७५ लागू गर्दैछ ।
प्रतिक्रिया