यसकारण भयाे प्रधानन्यायाधीशको नाम सिफारिसका लागि बस्ने बैठक स्थगित

अर्यालयका अनुसार प्रमुख पतिपक्ष दल नै नभएपछि परिषद अध्यक्ष प्रधानमन्त्री केपी शर्मा ओलीले बैठक स्थगित गरेका हुन्। यसअघि दीपकराज जोशीको नाम प्रधानन्यायाधीशमा सिफारिस भएकाेमा संसदीय सुनुवाइ समितिको दुई तिहाई बहुमतले अस्वीकृत गरेको थियो।शैक्षिक प्रमाणपत्र लगायतका विवादमा मुछिएपछि समितिले जोशीलाई अस्विकृत गरेको हो।

त्यसपछि जोशी विदामा बसेपछि अहिले ओमप्रकाश मिश्र सर्वोच्च अदालतको कायममुकायम प्रधानन्यायाधीशको भूमिकामा छन् । बैठकले भावी प्रधानन्यायाधीका लागि नाम सिफारिश गरेर संसदीय सुनुवाई विशेष समितिमा छलफलका लागि पठाउनेछ। यसअघि नै न्याय परिषद्को बैठकले वरिष्ठताका आधारमा मिश्र र चोलेन्द्रशमसेर जबराको नाम संवैधानिक परिषदमा पठाइसकेको छ ।

आज बस्ने भनिएको परिषद् बैठकमा भावी प्रधानन्यायाधीशको नाम सिफारिससहित अख्तियार दुरूपयोग अनुसन्धान आयोगमा प्रमुख नियुक्तिबारे पनि छलफल गर्ने एजेन्डा थियो। अब देउवा स्वदेश नफर्किंदासम्म बैठक नबस्ने भएकाले करिब एक हप्ताका लागि परिषद् बैठक सरेको प्रधानमन्त्रीका प्रेस सल्लाहकार अर्यालले बताए ।