पूर्व प्रधानमन्त्रीलाई कालो धन थुपारेको आरोप लागेपछि…

मलेशिया/एएफपी – मलेसियाका पूर्व प्रधानमन्त्री नजिब रजाकमाथि अरबौँ अमेरिकी डलर बराबरको रकम अपचलन गरेका नयाँ आरोप लागेको छ ।

मलेसियामा केही महिना अघि सम्पन्न आमनिर्वाचनको समयमा पनि विपक्षीहरुले यही विषय उठाउँदै आएका थिए । मलेसियाको राजधानी क्वालालम्पुरस्थित अदालतमा उपस्थित गराइएका उनीमाथि करिब ४ करोड २० लाख मलेसियाली रिंगीट (एक करोड ३ लाख डलर) भ्रष्टाचार गरेको आरोप लगाइएपनि उनले अस्वीकार गरेका छन् । आरोप प्रमाणित भएमा १५ वर्ष जेल बस्नुपर्नेछ ।

उनी सत्तामा रहँदा गरेका भनिएका विभिन्न तीन वटा भ्रष्टाचारका मुद्दा लागेका छन् । गत महिना पक्राउ गर्दा नै भ्रष्टाचार गरेर अवैध रकम थुपारेको आरोप लागेको थियो । बुधबारको यो आरोप तिनै आरोपमध्येको एउटा हो ।

पूर्व प्रधानमन्त्री रजाक ६५ वर्षका छन् । गत महिना पक्राउ परेका उनी धरौटीमा छुटेका थिए ।
मलेसियाली सरकारले पनि उनी प्रधानमन्त्रीमा रहँदा उनले नै बनाएको ‘१एमडिबी’ नामको आयोजनामार्फत अरबौँ डलर दुरुपयोग गरेको भनी अनुसन्धान गरिरहेको छ ।

बुधबार अदालतमा उपस्थित भएका पूर्व प्रधानमन्त्री रजाकलाई लगाइएका भनिएका ती तिनवटै विषयका बारेमा के थाहा छ भनेर सोधिएको थियो । आगामी शुक्रबार थप सुनुवाई हुने बताइएको छ ।