प्रदेश सरकारले दिएको बिदा प्रमुख जिल्ला अधिकारीहरूले कार्यान्वयन गरेनन्

बिराटनगर साउन,२४ । प्रदेश नम्बर १ सरकारले  बिहीबार २४ गते  विश्व आदिवासी जनजाति दिवसमा दिएको बिदा त्यहाँका प्रमुख जिल्ला अधिकारीहरूले कार्यान्वयन गरेनन।प्रदेशका १४ वटै जिल्लाका सिडिओहरूले प्रादेशिक सरकारले दिएको बिदामा पनि कार्यालय खोलेका छन।

आज प्रदेश १ का आन्तरिक मामिला तथा कानुन मन्त्री हिक्मत कार्कीले प्रादेशिक सरकारले दिएको बिदा उल्लंघन गरेकोमा सिडिओहरू माथि कडा आक्रोश पोखेका छन।मन्त्रि कार्कीले भने  संवैधानिक तथा कानुनी हैसियत प्राप्त प्रादेशिक सरकारले दिएको बिदाको उल्लंघन भएको छ,उहाँ हरुले यो प्रदेशमा बसेर केन्द्रको निर्णय मान्छु, यहाँको निर्णय मान्दिनँ भन्नु र गर्नु मा प्रदेश सरकारको  आपत्ति छ,’सिडिओहरूको निर्णयसँगै प्रदेश सरकारको संवैधानिक कानुनी अधिकारमा गम्भीर असर पर्ने कुरा उनले बताए।

‘प्रशासनिक काम गर्ने सिडिओहरूले नै प्रदेश सरकारको निर्णय मानेनन् भने अब के गर्ने?

केन्द्रको मातहत रहेको र संघीय सरकारले बिदाको स्वीकृति नदिएकाले कार्यालय खोलेको सिडिओहरूले जनाएका छन्। प्रदेश सरकारको निर्णय उल्लंघन नगरेको दाबी गर्दै उनीहरूले त्यसलाई ‘बाध्यात्मक’ भनेका छन्।

सिडियोहरुले भने आफुहरु बिदा नबसेको कुराको बचाउ गरेका छन्। बुधबार रातिसम्म केन्द्रबाट निर्णय नआएको, बिहीबार बिहान कार्यालय खोल्न सचिवले निर्देशन दिएकाले कार्यालय खोलेको सिडिओहरूको भनाइ छ। मोरङका प्रमुख जिल्ला अधिकारी रमेश केसीले केन्द्रीय सरकारकै निर्देशनमा कार्यालय खोलेको बताए।हामी केन्द्र सरकारको मातहत छौं, उसले निर्देशन नदिएकाले बिदा बसेनौं,’

सिडिओ कार्यालयका साथसाथै अदालत र को.ले.नि.का. पनि खुलेका छन्। स्थानीय सरकार मातहत रहेका अरु कार्यालय भने खुलेनन।