नेपालमा पुराना छुकछुके रेल हैन, बुलेट ट्रेन चलाउन पर्छ : उद्योग परिसंघ

काठमाडौ । नेपालको भौगोलिक अवस्थालाई हेर्दा पुराना रेलको सपनालाई छाडेर नयां बुलेट ट्रेनको अवधारणाबाट अघि बढ्नु पर्ने उद्योगी व्यवसायीहरुले बताएका छन् । काठमाडौमा भएको कार्यक्रममा उनीहरुले अवको रेलको सपना छुकछुके रेल नभई बुलेट ट्रेनको भएको बताएका हुन् ।

काठमाडौमा भएको कार्यक्रममा उद्योगी व्यवसायीहरुले अव हरेक प्रदेशको विकासको लागि सडक पुर्वाधारको विकास गुर्न पर्नेमा जोड दिए । अवको सडक पुर्वाधार नारायणगढ मुग्लिनको जस्तो नभएको भन्दै उनीहरुले न्युनतम दुईसय प्रतिकिलो चल्ने हाई स्पिड खालको बुलेन ट्रेनको अवधारणा हुन पर्ने बताएका हुन् ।

नेपाल उद्योग परिसंघका अध्यक्ष हरि भक्त शर्माले नेपालमा बुलेट ट्रेन चलाउन प्रदेश नं ३ को हैटौडा देखि चितवन सम्म मोडलका रुपमा बुलेट ट्रेन चलाउन सकिने बताए । सम्वृद्धीको लागि निजी क्षेत्र संधै साथ दिन तयार रहेको उनको भनाई थियो ।

कार्यक्रममा प्रदेश नं ३ का मुख्य मन्त्री डोरमणी पौडेलले देशको समृद्धिको लागि औद्योकीकरण आवश्यक रहेको बताए । उद्योगका हरेक कामका लागि वन स्टप सर्भिस दिन प्रदेश नं ३ ले पहल थालेको उनको भनाई छ ।

प्रदेश नं ३ सम्भावना नै सम्भावना भएको प्रदेश भएकोले लगानी गर्न समेत उद्योग व्यवसायीलाई आग्रह गरे । उद्योग क्षेत्रमा हुने गरेको हरेक समस्यालाई लिएर आफु चिन्तीत रहेको उनको दावी थियो ।

कार्यक्रममा अन्य सहभागीले सरकारले लिएको कर नितीलाई उद्योगी र व्यवसायी मैत्री बनाउन आवश्यक रहेकोमा जोड दिए ।