नेपालकाे ५० रन पुरा !

काठमाडाैँ २१ असाेज । टि ट्वान्टी विश्वकप क्रिकेटको पहिलो चरणको छनोट प्रतियोगितामा थाइल्याण्डसँग खेलिरहेकाे नेपालले ५० रन पुरा गरेकाे छ । टस हारेर  पहिले ब्याटिङ्मा उत्रिएकाे नेपालले २ विकेटकाे क्षतिमा ६ अाैँ अाेभरमा पहिलाे ५० रन पुरा गरेकाे हाे ।

प्रारम्भिक ब्याट्सम्यान अनिलकुरमार शाह २५ र विनाेद भण्डारी १५ रन बनाएर अाउट भएका थिए । ६ अाेभरकाे खेल सकिँदा २ विकेटकाे क्षतिमा नेपालकाे स्काेर ५६ रहेकाे छ । भने सरद भेषावकर र दिपेन्द्र सिँह एेरी क्रिजमा रहेका छन् ।

थाइल्याण्ड र नेपाल दुवै अपराजित यात्रामा छन् । तीन खेल खेलेको थाइल्याण्ड दुई खेलमा जित निकाल्दै अंक तालिकाको दोस्रो स्थानमा छ । थाइल्याण्डको एउटा खेल भने वर्षाका कारण अवरुद्ध भएको थियो । त्यस्तै नेपाल दुई खेलबाट चार अंक बटुल्दै अंकतालिकाको तेस्रो स्थानमा छ । नेपालले पहिलो खेलमा म्यानमारलाई आठ विकेटले र दोस्रो खेलमा आयोजक मलेसियालाई पनि आठ विकेटले नै पराजित गरेको थियो । तीन खेलमध्ये सबैमा जित हाँसिल गरेको सिंगापुर अंकतालिकाको शिर्ष स्थानमा छ ।

नेपालले अब भुटान, चीन र सिंगापुरसँग खेल्न बाँकी छ । यस प्रतियोगिताबाट शिर्ष तीनमा रहने टोली अर्को चरणको छनोट प्रतियोगिता खेल्नेछन् । अर्को समूह ए बाट भने युएइ, कतार र कुवेत दोस्रो चरणको छनोट प्रतियोगितामा स्थान बनाएका छन् । एसिया छनोट प्रतियोगिताबाट दुई टोलि विश्वव्यापि छनोट प्रतियोगितामा भाग लिन पाउनेछन् । जहाँ जम्मा १४ टोली सम्मिलित हुनेछन् र शिर्ष ६ टोलि २०२० मा हुने टि ट्वान्टि विश्वकप क्रिकेट प्रतियोगिता खेल्नेछन् ।