सनसनीपूर्ण खुलासा : भारतीय मतदातालाई नेपाली काँग्रेसले दियो वडाध्यक्ष उम्मेदवारी !

असार १४ गते दोश्रो चरणको चुनाव नजिकिदै गर्दा नयां नया तथ्य बाहिरीएका छन्  । भारतीय मतदाताको सूचिमा नाम भएका व्यक्तिलाई नेपाली काँग्रेसले उम्मेदवार बनाएको छ ।

भारतीय मतदाता सूचीमा नाम भएका महेन्द्र मर्वेतालाई नेपाली काँग्रेसले सुनसरीको कोशी गाउँपालिकाका वडाध्यक्षका उम्मेदवार बनाएको छ ।

भारतीय मतदातालाई सत्तारुढ नेपाली कांग्रेसले उनलाई वडा नम्बर ६ मा वडाध्यक्षको उम्मेदवार बनाएको भन्दै निर्वाचन अधिकृतको कार्यालयमा उजुरी परेको छ ।

काँग्रेसका स्थानीय नेता समेत रहेका मर्वेताको नेपाली मतदातामा पनि नाम छ । उनको नेपालको मतदाता नामावलीमा क्रम संख्या १७४७ र मतदाता नम्बर १४८२५०१ नम्बरमा बाबु बेचु मर्वेता रहेको उल्लेख छ ।

त्यसैगरी भारतको विहार विरपुर नगरपालिका आम निर्वाचन नामावली २०१७ मा विरपुर २ मा क्रम संख्या २०३–४५११८१२०८, WSB ००२९४७० नम्बरमा पिता बेचु मर्वेता नामबाटै मतदाता नामावली रहेको छ ।

त्यसैगरी मार्वेता श्री प्रावि श्रीपुर १ को हालसम्मको ब्यवस्थापन समितिको अध्यक्ष अझैसम्म रहेको भन्दै उम्मेदवारी खारेजीको माग गरिएको छ ।