स्टेजमै अभिनेत्री यामीको अपमान!

एजेन्सी। लोकप्रिया रियालिटी शो ‘इण्डियाज गट ट्यालेन्ट’ का सेटको एक भिडियो यतिबेला सामाजिक संजालमा भाइरल भइरहेको छ। भिडियोमा अभिनेत्री यामी गौतम शोमा ढिला गरी पुग्छिन्। जसको सजाय स्वरुप उनले इग्नोरेन्सको सामना गर्नुपर्छ। भिडियोमा यामी गौतम व्यानिटी व्यानबाट उत्रिन्छिन् र सेटतर्फ अगाडि बढ्छिन्। यही क्रममा उनलाई फोटोग्राफरले पोज दिन आग्रह गर्छन्। तर यामीले आफू पहिल नै ढिला भइसकको बताउँछिन्।
शोको सेटमा यामी ढिला पुगेपछि उनलाई कसैले पनि हेरनन्। उनी सिधा गएर आफ्नो सिटमा बसिन्। उनको छेवैमा रहेका शोका जज करन जोहर, मलाइका अरोडा र किरण खेरले यामीतर्फ हेर्दै हेरेनन्। एक्लै बसेकी यामीले कही समय यता उता हेरिन् तर उनीतर्फ कसैले पनि ध्यान दिएनन्। जजको यस्तो व्यवहारबाट यामी हैरान भइन्।
केही समयपछि तीनैजना जज (करन, मलाइका र किरण) फोटो खिचाउन आफ्नो सिटबाट उठ्छन्। उनीहरुको पछाडि यामी पनि आउँछिन्, तर तीनै जना गएर अलग अगल फोटो खिचाउँछन्। यस्तो व्यवहारले दिक्क यामी परैबाट हेरिरहन्छिन्। त्यसपछि त्यहाँ उपस्थित अभिनेता विक्की कौशालसँग यामीले फोटो खिचाइन्।