सरकारले ३ सय वटा बिद्युतीय बस किन्ने, ५ देशमा राजदुत सिफारिश
सारांश
- काठमाडौं, १२ पुस ।
- सरकारले आफ्नै लगानीमा ३ सयवटा विद्युतीय बस खरिद गर्ने भएको छ ।
- गत सोमबारको मन्त्रिपरिषद बैठकले उक्त निर्णय गरेको हो ।
काठमाडौं, १२ पुस । सरकारले आफ्नै लगानीमा ३ सयवटा विद्युतीय बस खरिद गर्ने भएको छ । गत सोमबारको मन्त्रिपरिषद बैठकले उक्त निर्णय गरेको हो । बिहीबार सञ्चार तथा सूचना प्रविधि मन्त्री गोकुल बास्कोटाले मन्त्रिपरिषदका निर्णय सार्वजनिक गर्दै काठमाडौँ उपत्यकाको वातावरण स्वच्छ राख्न विद्युतीय बस किन्न लागिएको जानकारी दिए ।
त्यस्तै, मन्त्रिपरिषद बैठकले परराष्ट्र मन्त्रालयका शिष्टाचार महापाल दीपक अधिकारीलाई फ्रान्स, सहसचिवहरु दुर्गाप्रसाद भण्डारीलाई कुवेत, भृगु ढुंगानालाई क्यानडा, सहसचिव मणिप्रसाद भट्टराईलाई संयुक्त राष्ट्रसंघको स्थायी प्रतिनिधि र गणेशप्रसाद ढकाललाई थाइल्याण्डका लागि राजदूत नियुक्तिको सिफारिस गरेको पनि मन्त्री बाँस्कोटाले जनाए ।
त्यस्तै सरकारले बंगलादेशका नेपाली राजदूत डा. चोपलाल भुसाल, दक्षिण कोरियाका राजदूत अर्जुन जगबहादुर सिंह र स्पेनका लागि नेपाली राजदूत भरतबहादुर रायमाझीलाई फिर्ता बोलाएको छ । उनीहरुलाई फिर्ता हुन ३ हप्ताको समय दिएको सञ्चार तथा सूचना प्रविधि मन्त्री गोकुल बास्कोटाले बताए ।
प्रतिक्रिया