प्राप्त गरेको कुल बजेट मध्ये ३६ करोड रकम खर्च हुन नसकेर फिर्ता : मुगु

गमगढी: जिल्लाका सरकारी कार्यालयहरुले आर्थिक वर्ष २०७३/०७४ का लागि प्राप्त गरेको कुल बजेट मध्ये ३६ करोड रकम खर्च हुन नसकेर फिर्ता भएको छ।

जिल्लाका सरकारी कार्यालयहरुलाई प्राप्त भएको चालूतर्फको खुद बजेट १ अर्व ८४ करोड २५ लाख २७ हजार ३ सय ६० मध्य असार मसान्तसम्म १ अर्व ६१ करोड ९५ लाख ७२ हजार ६८ रुपैयाँ मात्र खर्च भई २२ करोड २९ लाख ६५ हजार २ सय ९२ फिताए भएको हो।

त्यस्तै पुजिगत तर्फ खुद बजेट ६९ करोड ९० लाख ११ हजार ५ सय २८ मध्य ५६ करोड ३६ लाख ५ हजार ७ सय ११ रुपैया मात्र खर्च भएको कोष तथा लेखा नियन्त्रण कार्यालयले जनजानकारी दिएको छ।

फिर्ता भएको कुल रकम ३६ करोड १६ लाख ११ हजार १ सय ९ रुपैयाँ मध्य स्वास्थ्य कार्यालयको चालु खर्च तर्फ एक करोड १९ लाख ३ हजार १८ रुपैयाँ र पुजिगत तर्फ १४ लाख १५ हजार रकम फिर्ता भएको छ । जिल्ला समन्वय समितिको चालु तर्फ १ करोड ३२ लाख ४९ हजार ३ सय ६६ फिर्ता गएको छ भने पूँजिंगत तर्फ ६६ लाख ८४ हजार ३० रुपैया फिर्ता गएको छ।

जिल्लाको लागि आउने बजेट अन्तिम चौमासिकमा मात्र निकासा भई आउने अधिकांश सरकारी कार्यालयमा कर्मचारी नबस्ने, उपभोक्ताले काम पनि ढिलो गर्ने तथा ठुलो परिमाणको बजेट पनि आर्थिक वर्ष सकिने बेला केन्द्रबाट आउने गरेकाले पनि बजेट खर्च हुन नसकेर फिता जाने गरेको कोष नियन्त्रक नन्दप्रसाद पाण्डेले जानकारी दिनु भयो।

कतिपय सरकारी कार्यालयहरुद्वारा सञ्चालित विकास निर्माणका योजनाहरु आर्थिक वर्ष सकिए पनि काम नसकिने र त्यस्ता योजनाको रकम सम्बन्धित कार्यालयले उपभोक्ता समितिको खातामा हाल्ने तर खर्च गर्न रोक लगाउने प्रबृत्ति पनि बढ्दै गएको छ।