अफगानिस्तानविरुद्ध पाकिस्तानको संघर्षपूर्ण जित, शीर्ष चारमा उक्लियो
सारांश
- काठमाडौं ।
- अफगानिस्तानमाथि संघर्षपूर्ण जित निकाल्दै पाकिस्तानले सेमिफाइनल दौडा कायम राखेको छ ।
- लीड्समा भएको खेलमा २२८ रनको लक्ष्य पाएको पाकिस्तानले २ बल बाँकी रहँदा ३ विकेटले अफगानिस्तानलाई पराजित गर्दै महत्वपूर्ण २ अंक प्राप्त गर्यो ।
काठमाडौं । अफगानिस्तानमाथि संघर्षपूर्ण जित निकाल्दै पाकिस्तानले सेमिफाइनल दौडा कायम राखेको छ । लीड्समा भएको खेलमा २२८ रनको लक्ष्य पाएको पाकिस्तानले २ बल बाँकी रहँदा ३ विकेटले अफगानिस्तानलाई पराजित गर्दै महत्वपूर्ण २ अंक प्राप्त गर्यो ।
जितपछि ९ अंकका साथ पाकिस्तान पहिलो पटक अंक तालिकाको चौथो स्थानमा उक्लिएको छ । इंग्ल्याण्ड पाँचौ स्थानमा धकेलिएको छ । शीर्ष ४ टिम सेमिफाइनल प्रवेश गर्नेछन् । अष्ट्रेलिया सेमिफाइनल पुगिसकेको छ ।
लगातार विकेट गुमाएपछि दबाबमा आएको पाकिस्तानलाई इमाद वासिमले नटआउट ४९ रन बनाउँदै संघर्षपूर्ण जित दिलाए । स्पीनरलाई सहयोगी पीचमा अफगानी स्पीनर सामु पाकिस्तानी ब्याट्सम्यान संघर्ष गरेको देखिएको थियो ।
पाकिस्तानका लागि बाबर आजमले पनि ४५ रनको योगदान दिएका थिए ।
यसअघि पहिला ब्याटिंग गरेके अफगानिस्तानले ९ विकेटमा २२७ रन बनाएको थियो । उसका लागि नजीवुल्ला जर्दान र अस्गार अफगानले ४२–४२ रन बनाएका थिए ।
पाकिस्तानका शाहिन शाह अफ्रिदीले ४ विकेट लिएका थिए । लीगको अन्तिम खेल पाकिस्तानले बंगलादेशसँग खेल्ने छ ।
प्रतिक्रिया