आज नेपाल आउँदै पाकिस्तानी प्रधानमन्त्री अब्बासी, टुँडीखेलमा सम्मान दिइने

काठमाडौं, २१ फागुन – दुइ दिने नेपाल भ्रमणमा पाकिस्तानी प्रधानमन्त्री शहीद खकाना अब्बासी आज सोमबार काठमाडौं आउँदैछन् । अब्बासीलाई सैनिक मञ्च टुँडीखेलमा सरकारले ‘गार्ड अफ अनर’ को सम्मान दिने भएको छ। अति विशिष्ट पाहुनाको रुपमा टुँडीखेलमा  गार्ड अफ अनर लिने अब्बासी पहिलो पाहुना भएको बताइएको छ ।

विशिष्ट पाहुनालाई विमानस्थलमा ‘गार्ड अफ अनर’ दिने परम्परा रहेको छ । उनलाई भने सरकारले अब्बासीलाई सैनिक मञ्चमा सम्मान दिन लागेको हो। प्रधानमन्त्री केपी ओलीलले उनलाई टुँडीखेलमा स्वागत गर्नेछन् । पाकिस्तानी प्रधानमन्त्री अब्बासी विमानस्थलबाट सिधै टुँडीखेलमा आउने कार्यत्रम छ।

अब्बासीले प्रधानमन्त्री केपी शर्मा ओलीलाई सोमबार नै बधाई दिने कार्यक्रम रहेको छ। प्रधानमन्त्री ओलीले अब्बासीको सम्मानमा रात्रिभोजको आयोजना गर्ने बताइएको छ । अब्बासीले भोलि मंगलबार राष्ट्रपति विद्यादेवी भण्डारीसँग शिष्टाचार भेटको कार्यक्रम छ ।

पाकिस्तानी प्रधानमन्त्रीको स्वागतका लागि उपत्यकाको सकडमा दुई देशको झण्डा फहराउने, स्वागतद्वार निर्माण लगायतको तयारी भइरहेको छ। भ्रमण पूरा गरी फागुन भोलि नै प्रधानमन्त्री अब्बासी स्वदेश प्रस्थान गर्ने कार्यक्रम रहेको छ।