आफै चढेर आएको स्कुले बसले ठक्कर दिंदा बालिकाको मृत्यु
सारांश
- भक्तपुर ।
- स्कुल छुटेर घर फर्कदै गरेकी एक नानीलाई आफै चढेको स्कुल बसले ठक्कर दिएपछि मृत्यु भएको छ ।
- आफै चढेको बसबाट झरेर बाटो काट्ने क्रममा ठक्कर दिएपछि ७ वर्षीया प्रतिष्ठा खत्रीको मृत्यु भएको हो ।
भक्तपुर । स्कुल छुटेर घर फर्कदै गरेकी एक नानीलाई आफै चढेको स्कुल बसले ठक्कर दिएपछि मृत्यु भएको छ । आफै चढेको बसबाट झरेर बाटो काट्ने क्रममा ठक्कर दिएपछि ७ वर्षीया प्रतिष्ठा खत्रीको मृत्यु भएको हो ।
भक्तपुर कमलविनायकमा रहेको रोम्बस इङ्लिस स्कुलको १ कक्षामा पढ्ने चाँगुनारायण नगरपालिका रानीबारी सुडालकी खत्रीको उपचारको क्रममा ज्यान गएको हो ।
शुक्रबार विद्यार्थी घर छोड्न गएको बा १ क ७२८५ नम्बरको बसले भर्खरै आफ्नै बसबाट झरेकी बालिकाले बाटो काट्ने क्रममा ठक्कर दिएको थियो ।
बसको ठक्करबाट घाइते भएकी उनको उपचारको क्रममा मृत्यु भएको महानगरीय प्रहरी परिसर भक्तपुरले बताएको छ । घाइते बालिकाको उपचारका लागि मध्यपुर अस्पतालमा मृत्यु भएको प्रहरीले जानकारी दिएको छ ।
बस र चालक भक्तपुर नगरपालिका–८ लिवाली बस्ने ३७ वर्षीय दिपक लाखेमरुलाई प्रहरीले पक्रेर अनुसन्धान भैरहेको प्रहरीले बताएको छ ।
प्रतिक्रिया