शिखर खबर

उदयपुरका सहायक वन अधिकृत लालबाबुमाथि कारवाहीको माग

Shikharkhabar

सोमबार, चैत्र १२, २०७४

८

३० पटक हेरिएको

उदयपुरका सहायक वन अधिकृत लालबाबुमाथि कारवाहीको माग

Shikharkhabar

अस्बिन खड्का उदयपुर, १२ चैत ।
उदयपुरका पत्रकारहरुले सहायक वन अधिकृत लालबाबु यादवमाथि कारवाहीको माग गरेका छन् ।
जिल्लाका चार सञ्चार संगठनहरुले संयुक्त विज्ञप्ति जारी गरी यादवमाथि चित्तबुझ्दो कारवाही नगरेसम्म जिल्ला प्रशासन, जिल्ला वन र त्यस मातहतका कार्यालयका सम्पूर्ण गतिविधिहरुलाई बहिष्कार गर्ने चेतावनी दिएका छन् ।

अस्बिन खड्का
उदयपुर, १२ चैत । उदयपुरका पत्रकारहरुले सहायक वन अधिकृत लालबाबु यादवमाथि कारवाहीको माग गरेका छन् । जिल्लाका चार सञ्चार संगठनहरुले संयुक्त विज्ञप्ति जारी गरी यादवमाथि चित्तबुझ्दो कारवाही नगरेसम्म जिल्ला प्रशासन, जिल्ला वन र त्यस मातहतका कार्यालयका सम्पूर्ण गतिविधिहरुलाई बहिष्कार गर्ने चेतावनी दिएका छन् ।

कर्मचारी आचरणको धज्जी उडाउँदै पत्रकारहरुलाई हदैसम्मको गाली बेइज्जती गरेका यादवलाई तत्काल निलम्बन गर्नुपर्ने माग सञ्चार संगठनहरुले गरेका छन् । जिल्ला वन कार्यालय उदयपुरका सहायक वन अधिकृत लालबाबु यादवले समाचारको विषयलाई लिएर पत्रकारहरुमाथि गरेको अपमानप्रति आपत्ति जनाउँदै कारवाहीको माग गरेका थिए । अधिकृत लालबाबु यादवले उदयपुरका पत्रकारहरुमाथि धावा बोलेको तथ्यले सुशासन, सुव्यवस्था र कानूनी राज्यको खिल्ली उडाएको भन्दै कारवाहीको माग गरिएको हो ।

स्थानीय होटलमा बसेर पत्रकारलाई गाली गर्ने सहायक वन अधिकृत लालबाबु यादवविरुद्ध नेपाल पत्रकार महासंघ, उदयपुर शाखाले कारवाहीको माग गर्दै उजुरी दिएको थियो । सोही विषयलाई लिएर यादवले अपशब्द प्रयोग गर्दै पत्रकार महासंघको नामै तोकेर उनले लड्नका लागि चुनौतीसमेत दिएका छन् । मदिराले लठ्ठिएको स्वरमा उनले आफू विन्दास मान्छे भएको, इज्जतका लागि मात्र जागिर खाएको भन्दै १० मिनेटमा अमेरिकाको भिसा लाग्ने फुर्ति समेत लगाएका थिए ।

तर अचानक सप्रमाण पत्रकारको उजुरीमा परेका जिल्ला वन कार्यालय उदयपुरका सहायक वन अधिकृत लालबाबु यादव र छानविन तथा कारवाही गर्ने अधिकारीहरु, नागरिक समाज, नेता र केही पत्रकारहरु नै वन सम्बन्धी अनुगमन कार्यक्रममा आज सँगसँगै निस्केका छन् । यसले गर्दा को सही ? को गलत ? स्थानीयवासी अलमलमा परेका छन् ।