उदयपुर फुडफेस्टिवलआज बाट गाईघाट मा सुरु

गाईघाट १,पुष। जिल्ला होटल व्यवसायी संघ उदयपुर र झिगु नेवाः पुचको संयुक्त आयोजनामा आज बाट गाईघाटमा पहिलो फुडफेस्टिवल उदयपुर खाना परिकार मेला २०७५ तथा १ नम्बर प्रदेश स्तरीय प्रतियोगीतात्मक लाखे महोत्सव सुरु भएको छ।

उदयपुरमा पहिलो पटक सुरु भएको  फुडफेस्टिवल महोत्सवको आज प्रदेश नम्बर १ का उद्योग पर्यटन वन तथा वातवरण मन्त्री जगदिश प्रसाद कुशीयत ले एक कार्यक्रम बीच उदघाटन गरेका थिए।

गाईघाट बजारको मेन चोक देखि पिपल चोक सम्मको मुख्य रोडमा दुवै साईडमा स्टल राखेर संचालन भएको फुडफेस्टिवलमा बिभिन्न जातजातिका स्थानिय खानाका परिकारहरु,कोदोको ढिडो,सिस्नो,गुन्द्रुक,सेलरोटी,खीर,कोदोको रोटी,मकैको खाना,फापर को रोटी,स्थानिय थारु समुदाय का परिकारहरु माछा,घुगी,रोटी नेवार समुदायको बिभिन्न परिकार हरु तथा स्थानीय परिकारहरु महोत्सव को प्रमुख आकर्षण रहने आयोजक ले जनाएको छ।   

पुस १ देखि १० गतेसम्म सञ्चालन हुने फुड फेष्टिबलमा कलाकारहरु निशान भट्टराई, प्रिति आलेमगर, मिरा गिरी लगायतको सास्कृति प्रस्तुती रहने आयोजकले जनाएको छ । त्यसैगरी पौष ८, ९ र १० गते नेवाः छमछमी सिजन २ आयोजना गरिने आयोजक समितिका सचिव तथा जिल्ला होटल व्यवसायी संघका अध्यक्ष शिव अधिकारी ले  बताए।