ऋतिक र कंगना आमने सामने

मुम्बई, ६ साउन । बलिउड सुपरस्टार ऋतिक रोशन अभिनित चलचित्र ‘सुपर ३०’ र अर्का सफल अभिनेत्रि कंगना रनावतको चलचित्र ‘मणिकर्णिका’ एकै दिन रिलिज हुने भएको छ । २५ जनावरी २०१९ मा रिलिज हुने दुवै फिल्मको भिडन्त हेर्न लाएक हुनेछ ।

कंगना रनावतको फिल्म मणिकर्णिका इतिहास आधारीत फिल्म हो । फिल्म झाँसीकी रानी लक्ष्मीबाईको जीवनकथामा आधारित फिल्मको बजेट निकै धेरै छ । यसै फिल्म देखि निर्माणमा पनि हात हालेकी कंगनाले यो आफ्नो ड्रिम प्रोजेक्ट भएको बताएकि छन् ।

त्यस्तै अर्का सफल कलाकार ऋतिक रोशन अभिनित चलचित्र पनि प्रतिक्षित फिल्म हो । ऋतिकका फ्यानले यो फिल्मको प्रतिक्षा धेरै पहिले देखि गरेका थिए । यहाँ दुई चलचित्रको मात्र नभएर स्टारडमको पनि सवाल छ । कंगना हिरोइन भएपनि स्टारडम कुनै सफल हिरोको भन्दा कम छैन ।
यी दुई फरक धारका फिल्म भएपनि भिडन्त भने राम्रै देख्न पाईनेछ ।