ओएसनेपाल म्युजिक अवार्ड असार २४ मा
सारांश
- काठमाडौं, १४ असार ।
- दोस्रो ओएसनेपाल म्युजिक अवार्डको वितरण समारोह असार २४ गते हुने भएको छ ।
- काठमाडौँमा मंगलबार आयोजना गरिएको अवार्डको नोमिनेशनमा परेका स्रष्टाहरुलाई प्रमाणपत्र वितरण कार्यक्रममा असार २४ गते अवार्र्डको मिति घोषणा गरिएको हो ।
काठमाडौं, १४ असार । दोस्रो ओएसनेपाल म्युजिक अवार्डको वितरण समारोह असार २४ गते हुने भएको छ । काठमाडौँमा मंगलबार आयोजना गरिएको अवार्डको नोमिनेशनमा परेका स्रष्टाहरुलाई प्रमाणपत्र वितरण कार्यक्रममा असार २४ गते अवार्र्डको मिति घोषणा गरिएको हो ।
अवार्ड वितरण राजधानीको जमलस्थित नाचघरमा हुने भएको छ । नेपालकै सर्वाधिक विधामा वितरण गर्न लागिएको यो अवार्डमा ७४ विधा समेटिएको छ ।
कलाकर्मीहरुको पर्वको रुपमा रहेको यो अवार्डले कलाकारको उचित सम्मान हुने ओएसनेपालका अध्यक्ष केशबहादुर कार्कीले बताए । अवार्डसँग प्रत्यक्ष सरोकार रहने व्यक्तिहरुको साथ र समर्थनले आगामी दिनमा पनि यस्ता अवार्ड वितरण कार्यक्रम गरेर कलाकार तथा स्रष्टाहरुलाई सम्मान गर्दै हौसला प्रदान गर्न उत्साह जाग्ने अध्यक्ष कार्कीले जानकारी दिए ।
ओएनेपालले आफ्नो फेसबुकपेज मार्फत प्रत्यक्ष प्रसारण गर्नेछ । त्यस्तै कार्यक्रमका संयोजक विवेक कार्कीले अवार्ड सभ्य, अनुशासित र निष्पक्ष ढंगले वितरण गरिने बताए । संयोजक कार्कीका अनुसार वितरण समारोहमा ठूलो संख्यामा कला पारखीसहित विभिन्न क्षेत्रमा सक्रिय व्यक्तित्वको उपस्थिति रहने बताइएको छ ।
काठमाडौँमा मंगलबार आयोजित अवार्डको नोमिनेशनमा परेका स्रष्टाहरुलाई प्रमाणपत्र वितरण समारोहका केही झलकहरु हेर्नुहोस् :
प्रतिक्रिया