कटारी गोल्डकपको उपाधिका लागि झापा ११ सँग काठमाडौँको संकटाले प्रतिष्पर्धा गर्ने
सारांश
- अस्बिन खडका उदयपुर, १५ चैत ।
- उदयपुरको कटारीमा शनिबारदेखि जारी चौथौ कटारी मेयर गोल्डकपमा ३ डिभिजन लिग खेलेका टिम सहित ८ टिमको सहभागिता रहेको गोल्डकपमा सबै टीमलाई हराउदैँ झापा ११ र काठमाडौँको संकटाले फाइनल खेलको उपाधीको लागि अवसर पाएका छन् ।
- बिहीबारको दोस्रो सेमीफाइनलमा संकटाले गोर्खा ब्वाइज रुपन्देहीलाई ३ गोलले पाखा लगाउदैँ संकटा क्लब काठमाडौं फाइनलमा प्रवेश गरेको छ ।
अस्बिन खडका
उदयपुर, १५ चैत । उदयपुरको कटारीमा शनिबारदेखि जारी चौथौ कटारी मेयर गोल्डकपमा ३ डिभिजन लिग खेलेका टिम सहित ८ टिमको सहभागिता रहेको गोल्डकपमा सबै टीमलाई हराउदैँ झापा ११ र काठमाडौँको संकटाले फाइनल खेलको उपाधीको लागि अवसर पाएका छन् ।
बिहीबारको दोस्रो सेमीफाइनलमा संकटाले गोर्खा ब्वाइज रुपन्देहीलाई ३ गोलले पाखा लगाउदैँ संकटा क्लब काठमाडौं फाइनलमा प्रवेश गरेको छ । पहिलो सेमीफाईनलबाट झापा ११ ले सहारालाई ० का विरुद्ध २ गोल गर्दै झापा ११ फाईनलमा प्रबेश गरिसकेको छ ।
आजको खेलबाट संकटाले गोर्खा ब्वाईज रुपन्देहीलाई ३ गोलले हराउदै फाईनलमा प्रवेश गरेको छ । संकटाका लागि २९ औं मिनेटमा ७ नम्बर जर्सीका प्रकाश बुढाथोकीले फ्रि किकको सदुपयोग गर्दै गोलको खाता खोलेका थिए । पहिलो हाफमा १–० ले अग्रता लिएको संकटाकालागी ८७ औं मिनेटमा १२ नम्बर जर्सीका नाईजेरियन खेलाडी ईब्राहिम कोउडियाले आकर्षक गोल गर्दै गोल अन्तर २–० मा पुर्याए । त्यसैगरी ९० औं मिनेटमा संकटाका सन्त गुरुङ्गले तेस्रो गोल गरे । रुपन्देहीले पहिलो हाफमा पटक–पटक गोल गर्ने अवसर पाए पनि सदुपयोग गर्न सकेन ।
संकटाका ईब्राहिम कोउडिया खेलको म्यान अफ द म्याच घोषित भए । उनलाई इलाका प्रहरी कार्यालय कटारीका प्रमुख डिएसपी मेघराज अधिकारीले नगद ५ हजारका साथमा प्रमाण–पत्र र मेडल प्रदान गरे । उपाधिकालागी अब शनिबार संकटाले झापा ११ सँग आमने सामने गर्नेछ । गोल्डकप विजेताले नगद ५ लाख र ट्रफी हात पार्नेछ भने उपविजेताले नगद २ लाख ५१ हजार हात पार्ने आयोजक समितिका अध्यक्ष विनोद कटुवालले बताए । कटारी नगरपालिकाको सहकार्य र साथी समूहको संयोजनमा गोल्डकप आयोजना गरिएको हो ।
प्रतिक्रिया