खुमलटारको निर्णय : बादललाई दिइयो यस्तो जिम्मा
सारांश
- काठमाडौं, १८ पुस ।
- माओवादी धाराबाट आएका नेता÷कार्यकर्ताहरुको व्यवस्थापनको जिम्मा रामबहादुर थापा बादललाई दिँदै नेकपा माओवादी केन्द्रको सचिवालय बैठक सकिएको छ ।
- दिउँसो १ बजेदेखि अध्यक्ष प्रचण्ड निवास खुमलटारमा शुरु भएको बैठकमा समसामयिक राजनीतिक परिस्थिति, पार्टी एकता र सरकार गठन लगायतका विषयमा छलफल भएको प्रवक्ता पम्फा भुसालले जानकारी दिइन् ।
काठमाडौं, १८ पुस । माओवादी धाराबाट आएका नेता÷कार्यकर्ताहरुको व्यवस्थापनको जिम्मा रामबहादुर थापा बादललाई दिँदै नेकपा माओवादी केन्द्रको सचिवालय बैठक सकिएको छ । दिउँसो १ बजेदेखि अध्यक्ष प्रचण्ड निवास खुमलटारमा शुरु भएको बैठकमा समसामयिक राजनीतिक परिस्थिति, पार्टी एकता र सरकार गठन लगायतका विषयमा छलफल भएको प्रवक्ता पम्फा भुसालले जानकारी दिइन् ।
बैठकले विभिन्न माओवादी धाराबाट आएका नेता कार्यकर्ताको संगठनात्मक व्यवस्थापन गर्न बरिष्ठ नेता रामबहादुर थापा “बादल”को नेतृत्वमा एक कार्यदल गठन गरेको छ । कार्यदलमा नेताहरु टोपबहादुर रायमाझी, गिरिराजमणि पोखरेल, मातृका यादव, शक्ति बस्नेत, लेखराज भट्ट, साबित्रीकुमार काफ्ले, देवेन्द्र पौडेल, सुनिल मानन्धर रहेका छन् ।
आम जनताले आफ्नो अभिमत दिएर अनुमोदन गरिसकेकाले पार्टी एकतालाई दू्रतगतिमा अगाडि बढाउने निर्णय गरिएको अध्यक्ष प्रचण्डको सचिवालयले जनाएको छ । “एमाले अध्यक्ष केपी शर्मा ओली कमरेडको स्वास्थ्यमा आएको समस्याले छलफल अलि लम्बिएको हो । पार्टी एकता प्रक्रिया अगाडि जान्छ । पार्टी एकता र सरकार गठनबारे कुनै समस्या छैन । तपाईहरुले एकताको आश्चर्यजनक नतिजा पाउनु हुनेछ”, बैठकपछि सञ्चारकर्मीलाई जानकारी दिँदै प्रवक्ता पम्फा भुसालले भनिन् ।
प्रतिक्रिया