गजल : पद्मा लिंखामगर
सारांश
- माम्लिङ– ४ संखुवासभामा लोकमान लिंखा र पूर्णकुमारी लिंखाको कोखमा जन्मिएकी पद्मा लिंखामगरका “नजर” गीतिएल्बम, “नजर– २” गीतिएल्बम, इन्द्रेनी गीतिएल्बम, “उज्यालोको खोजी” गजलसंग्रह प्रकाशित छन् ।
- अन्तर्राष्ट्रिय साहित्य समाज अमेरिकाको आजीवन सदस्य तथा झुम्लावाङ गाउँ संस्थापना रुकुम सञ्चालन गरिरहेकी पद्माले पाँचौं विन्ध्यवासिनी अवार्ड– २०७१ मा सर्वोत्कृष्ट महिला गीतकारको अवार्डसमेत जितेकी छन् ।
माम्लिङ– ४ संखुवासभामा लोकमान लिंखा र पूर्णकुमारी लिंखाको कोखमा जन्मिएकी पद्मा लिंखामगरका “नजर” गीतिएल्बम, “नजर– २” गीतिएल्बम, इन्द्रेनी गीतिएल्बम, “उज्यालोको खोजी” गजलसंग्रह प्रकाशित छन् । अन्तर्राष्ट्रिय साहित्य समाज अमेरिकाको आजीवन सदस्य तथा झुम्लावाङ गाउँ संस्थापना रुकुम सञ्चालन गरिरहेकी पद्माले पाँचौं विन्ध्यवासिनी अवार्ड– २०७१ मा सर्वोत्कृष्ट महिला गीतकारको अवार्डसमेत जितेकी छन् । अमेरिकामा रहेर पनि समाजसेवामा उत्तिकै सक्रिय पद्माको यो गजल :
पद्मा लिंखामगर
जसको पुत्ला बल्थ्यो हिजो आज उसलाई ताली
बुझ्नै गाह्रो मान्छेको मन भरी हो या खाली
जता जता आगो बल्छ उतै ताप्दै हिंड्ने
स्वार्थी नियत बुझें मैले बल्ल यसैपालि
सोझो सिधा बाँच्नै गाह्रो जमाना के आयो
हाई हाई पाउने यहाँ सधैं फटाहा र जाली
विश्वास गरी जिम्मा दिँदा बगैंचा नै सारा
झार जोगाउँछ फूल हाँगा काट्दै फाल्छ माली
चतुर ठान्छ आफूलाई विवेक छैन कत्ति
टुप्पोतिर चढ्न खोज्छ रुखको फेदै ढाली
प्रतिक्रिया