गर्मीमा छालाको सुरक्षा कसरी गर्ने ? भिडियो सहितको टिप्स यस्तो छ ।

गर्मी मौसममा धुवाँ धुलो र पसिनाका कारण हाम्रो छालामा विभिन्न किशिमका समस्या आउन सक्छन् । गर्मीमा एलर्जी हुने, घाउखटिरा आउने जस्ता धेरै किशिमका समस्या देखिन सक्छन् । त्यसैले हामीले गर्मी मौसममा छालाको हेरचाहमा विशेष ध्यान दिनु पर्छ ।

https://www.youtube.com/watch?v=QV-Rq0Wp-2o

चर्को घाममा बाहिर निस्कँदा धेरैथरीका समस्या आइपर्छन् । यस्तो अवस्थामा छालाको सुरक्षा गर्नु निकै आवश्यक हुन्छ । तपाईले आफ्नै सानो प्रयासले पनि गर्मीमा छालाको राम्रोसँग हेरचाह गर्न सक्नु हुनेछ । गर्मीमा छालाको केयर गर्ने केही टिप्सहरु यस्ता छन् ।

दिनमा ६–८ गिलास पानी पिउनुहोस् । हानीकारक यूवी प्रकाशबाट बच्नको लागि सनग्लास लगाउनुहोस् । ३० एसपीएफवाला सनस्क्रीमको प्रयोग गर्नुहोस् । यसलाई दिनको दुई– तीन पटक प्रयोग गर्नुहोस् ।

शरीरलाई पूरै ढाकेर हिँड्नुहोस् । अनुहारमा पनि स्कार्फको प्रयोग गर्नुहोस् । छालालाई नरम र सुन्दर बनाउन दूधले पनि ठूलो भूमिका खेल्छ । तपाईंको छाला घामबाट धेरै नै कालो भएको छ भने दूधले कालो भाग धुनुहोस् । कालो भागलाई गोरो बनाउन मद्दत पुर्याउँछ ।

छालामा केही समस्या देखिहालियो भने विशेषज्ञलाई देखाइहाल्नुहोस् । हामी कतिपयले खासै केही होइन भन्ने ठान्दछौँ, त्यस्तो नगर्नुहोस् । छालामा जति बेला जे पनि हुन सक्छ ।

सनबर्न छालाको लागि एन्टीअक्सिडेन्टजस्तो हल्का लोशनको प्रयोग गर्नुहोस् । यसको प्रयोग गर्दा छालालाई धेरै फाइदा पुग्छ ।