गौर हत्याकाण्डमा प्रभु साह दोषी रहेको भन्दै गठबन्धनद्वारा कारबाहीको माग

रौतहट । गौर हत्याकाण्डको मुख्य दोषी संघीय सांसद प्रभु शाह भएको भन्दै उनलाई कारबाही गर्न माग गर्दै सत्तारुढ गठबन्धनमा रहेका दलहरुले रौतहटमा प्रदर्शन गरेका छन् ।

आज मंगलबार रौतहटमा नेपाली कांग्रेस, नेकपा माओवादी केन्द्र, जनता समाजवादी पार्टी, एकीकृत समाजवादी पार्टी, जनमत पार्टी र लोकतान्त्रिक समाजवादी पार्टीले संयुक्त रुपमा सोमबार जुलुस प्रदर्शन गर्दै प्रभु साहलाई कारबाहीको माग गरेका हुन् ।

त्यस्तै २३ असार २०६८ मो कुस्ती खेलाडी उपेन्द्रदास बैरागीको हत्या, रौतहटका शिक्षक सुनिल यादव, पर्साका काशीनाथ तिवारी लगायतका हत्यामा पनि प्रभु साहको संलग्नता रहेको ६ दलीय मोर्चाले जिकिर गरेको छ । ्

यसअघि १ साउनमा प्रभु साह नेतृत्वको आम जनता पार्टीले गौर घटनाका दोषी भन्दै जसपा अध्यक्ष उपेन्द्र यादवलाई कारबाहीको माग गरेको थियो ।

प्रमुख जिल्ला अधिकारीमार्फत ६ दलले साहलाई तत्काल पक्राउ गरी कारबाही गर्न माग गर्दै प्रधानमन्त्री पुष्पकमल दाहाल प्रचण्डलाई ज्ञापनपत्रसमेत बुझाएका छन् ।