घुस मागेका डिएसपी राई विरुद्ध भ्रष्टाचार मुद्दा दर्ता
सारांश
- काठमाडौं ।
- अख्तियार दुरुपयोग अनुसन्धान आयोगले डिएसपी श्यामकुमार राईविरुद्ध विशेष अदालत काठमाडौंमा भ्रष्टाचारको मुद्दा दर्ता गरेको छ ।
- उपभोक्तासँग मुद्दा मिलादिन्छु भन्दै घुस माग्ने डिएसपी राईविरुद्ध १ लाख ४० हजार रुपैयाँ बिगो र कैद मागदाबी सहितको मुद्दा दर्ता गरिएको हो ।
काठमाडौं । अख्तियार दुरुपयोग अनुसन्धान आयोगले डिएसपी श्यामकुमार राईविरुद्ध विशेष अदालत काठमाडौंमा भ्रष्टाचारको मुद्दा दर्ता गरेको छ ।
उपभोक्तासँग मुद्दा मिलादिन्छु भन्दै घुस माग्ने डिएसपी राईविरुद्ध १ लाख ४० हजार रुपैयाँ बिगो र कैद मागदाबी सहितको मुद्दा दर्ता गरिएको हो । महानगरीय प्रहरी वृत्त बौद्धका तत्कालीन प्रमुख रहेका डिएसपी राईलाई घुसमा टेलिभिजन सेटसहित नगद लिँदै गर्दा पक्रेको थियो ।
अख्तियारले राईलाई पक्राउ पछि अनुसन्धान गरी भ्रष्टाचार निवारण ऐन अन्तर्गत मुद्दा दर्ता गरेको हो । राईले सेवाग्राहीसँग आफूले मुद्दा मिलाइदिने त्यसबापत सोनी कम्पनीको टेलिभिजन किनेर ल्याइदिनु भन्दै १ लाख ४० हजार रुपैयाँ नगदघुससहित एक महिना अघि अख्तियारले पक्रेको हो ।
अख्तियारका अनुसार राईलाई बिगो १ लाख ४० हजार बिगो माग दाबी गरी भ्रष्टाचार निवारण ऐन २०५९ को दफा ३ को उपदफा १० अनुसार जरिवाना र कैद सजायको माग गर्दै आरोपपत्र विशेष अदालतमा बुधवार दर्ता गरिएको हो ।
प्रतिक्रिया