कपनबाट करिब १९ लाख सहित जुवाडे पक्राउ, नाइके भाग्न सफल
सारांश
- नेपाल प्रहरीले काठमाडौंको कपनबाट १८ लाख ९२ हजार रुपैयाँसहित २१ जुवाडेलाई पक्राउ गरेको छ ।
- महानगरीय प्रहरी वृत्त बौद्धबाट खटिएको प्रहरी टोलीले गएराति १० बजे नगदसहित जुवाडेहरूलाई पक्रिएको हो ।
- बौद्ध प्रहरीले जुवा खेलिरहेको अवस्थामा १८ लाख ९२ हजार रुपैयाँसहित २१ जनालाई नियन्त्रणमा लिइएको बताएको छ ।
नेपाल प्रहरीले काठमाडौंको कपनबाट १८ लाख ९२ हजार रुपैयाँसहित २१ जुवाडेलाई पक्राउ गरेको छ । महानगरीय प्रहरी वृत्त बौद्धबाट खटिएको प्रहरी टोलीले गएराति १० बजे नगदसहित जुवाडेहरूलाई पक्रिएको हो ।
बौद्ध प्रहरीले जुवा खेलिरहेको अवस्थामा १८ लाख ९२ हजार रुपैयाँसहित २१ जनालाई नियन्त्रणमा लिइएको बताएको छ । पक्राउ परेका सबैलाई अहिले प्रहरी वृत्त बौद्धमा राखेर थप अनुसन्धान भइरहेको प्रहरीले जनाएको छ ।
कपनको सिमलटारमा गुण्डा नाइके रोशन लामा र दावा लामाले बंगला भाडामा लिई मिनी क्यासिनो शैलीमा व्यवसायिकरुपमा जुवातास खेलाउदै आइरहेको प्रहरी श्रोतले जनाएको छ । पक्राउका लागि आएको प्रहरी टोलीलाई छक्याउँदै रोशन र दावा करिब ४० लाख रुपैयाँ लिएर पर्खाल नाँघेर भाग्न सफल भएका छन् ।
काठमाडौँका कपन, बौद्ध, महाकांल लगायतका क्षेत्रमा लामो समयदेखि जुवाखालहरू सञ्चालन हुँदै आइरहेका छन् । गत माघ र चैतमा प्रहरीले सञ्चालन गरेको अपरेसनका क्रममा यो क्षेत्रबाट जुवा खेलिरहेको अवस्थामा व्यवसायीलगायत पक्राउ परेका थिए ।
प्रतिक्रिया