चन्द्रौटामा सार्वजनिक शौचालय सञ्चालनमा

माधव बेल्वासे

कपिलवस्तु, १४ माघ । कपिलवस्तुको शिवराज नगरपालिकाको मुख्य बजारको रुपमा चिनिएको चन्द्रौटा बजारमा सार्वजनिक शौचालय सञ्चालनमा आएको छ । शिवराज नगरपालिकाद्धारा सञ्चालित रहेको उक्त शौचालय आइतवार नगरप्रमुख नेत्रराज अधिकारीले उद्धघाटन गरे ।

लामो समयको कसरतपछि चन्द्रौटामा शौचालय सञ्चालनमा आएको हो । चन्द्रौटामा दिनप्रतिदिन बस्ति विकाससँगै शहरीकरण बढ्दै गएपछि नगरपालिकाले शौचालयको अवधारणँ अगाडि सारेको थियो ।

शिवराज नगरपालिकाभित्र सार्वजनिक शौचालय नहुँदा समस्या भएको हुदा सार्वजनिक शौचालय आतिआवश्यक रहेकोले शौचालयको अवधारण ल्याएकोे नगरप्रमुख अधिकारीले बताए ।

चन्द्रौटा बजार व्यस्त वजार रहेता पनि शौच गर्नको लागि कुनै होटल जानुपर्ने र खाजानास्ता खानुपर्ने बाध्यतालाई मध्यनजर गरी सार्वजनिक शौचालय सञ्ञ्चालनमा ल्याएको नगरप्रमुख अधिकारीले जनाए ।

सार्वजनिक शौचालयलाई व्यावस्थित रुपमा प्रयोग गर्ने नगरप्रमुख अधिकारीले आग्रह गरे । शिवराज नगरपालिकाको ८ लाख २५ हजार लगानीमा शौचालय ल्याइएको नगरपालिकाका प्रमुख प्रशासकिय अधिकृत शेसकान्त पौडेलले बताए ।

चन्द्रौटा चोकमा रहेको शौचालयमा एकपटकमा तीनजना पुरुष र तीन जना महिला गरी ६ जनाले शौच गर्न सक्ने क्षमता रहेको अधिकृत पौडेलले बताए । त्यस्तै शिवराज नगरपालिका वडा ३ का राजेश चौधरीलाई शौचलय प्रयोगीहरुबाट केहि रकम संकलन शौचालय सञ् चालन गर्ने जिम्मा दिएको नगरप्रमुख अधिकारीले बताए ।

चन्द्रौटा आसपासमै सार्वजनिक शौचालय नहुँदा नगर प्रदुषित हुनुका साथै वातावरण प्रदुषण पनि बढिरहेको बेलामा सञ्चालनमा ल्याइएको शौचालयको प्रभावकारिता बढ्ने बिश्वास गरिएको छ ।