चिकित्सकको लापरवाहीका कारण सुत्केरीको मृत्यु
सारांश
- सिरहा, ६ पुस ।
- सिरहाको लहानस्थित ओम गुरुकुल हेल्थ केयर प्रालि अगाडि आज बिहानैदेखि प्रदर्शन भइरहेको छ ।
- चिकित्सको लापरवाहीका कारण मिर्चैयाकी २१ वर्षीया सञ्जु पासवानको मृत्यु भएको भन्दै मृतकका आफन्तले प्रालि अगाडि प्रदर्शन गरेका हुन् ।
सिरहा, ६ पुस । सिरहाको लहानस्थित ओम गुरुकुल हेल्थ केयर प्रालि अगाडि आज बिहानैदेखि प्रदर्शन भइरहेको छ । चिकित्सको लापरवाहीका कारण मिर्चैयाकी २१ वर्षीया सञ्जु पासवानको मृत्यु भएको भन्दै मृतकका आफन्तले प्रालि अगाडि प्रदर्शन गरेका हुन् ।
मृतकका परिवारजन तथा स्थानीयवासीले लापरवाही गर्ने चिकित्सकमाथि कारवाहीको मागसहित प्रदर्शन गरिरहेका छन् । व्यथाले च्यापेपछि बुधबार साँझ ओम गुरुकुल हेल्थ केयरमा लगिएको थियो । सल्यक्रिया गरेर बच्चा जन्मेपछि सञ्जुको स्वास्थ्य अवस्था बिग्रिएको थियो ।
प्रालीमा उपचार सम्भव नभएपछि सञ्जुलाई चिकित्सकको सल्लाहमा थप उपचारका लागि विराटनगरस्थित नोबेल अस्पताल लग्दै गर्दा उनको बाटोमा नै मृत्यु भएको मृतकका आफन्तले बताएका छन् ।
मृतकका आफन्तले होहल्ला सहित प्रदर्शन गर्न थालेपछि हेल्थ केयरको सुरक्षाका लागि अहिले प्रहरी परिचालन गरिएको छ । प्रालीका सञ्चालकका साथै सम्पूर्ण कर्मचारी सम्पर्कविहिन भएको लहान इलाका प्रहरी कार्यालयका प्रहरी नायब उपरीक्षक राजेश थापाले जानकारी दिनुभयो ।
प्रतिक्रिया