चितवन–२ मा कति खस्यो मत ?
सारांश
- काठमाडौं ।
- आज भइरहेको देशका तीन निर्वाचन क्षेत्रको उपनिर्वाचन अन्तर्गत बिहान १० बजेसम्मको अवधिमा चितवनको क्षेत्र नं.
- २ मा सबैभन्दा बढी मत खसेको छ ।
काठमाडौं । आज भइरहेको देशका तीन निर्वाचन क्षेत्रको उपनिर्वाचन अन्तर्गत बिहान १० बजेसम्मको अवधिमा चितवनको क्षेत्र नं. २ मा सबैभन्दा बढी मत खसेको छ । निर्वाचन अधिकृतको कार्यालयले दिएको जानकारी अनुसार चितवन २ मा बिहान १० बजेसम्म १७ प्रतिशत मत खसेको हो ।
यस क्षेत्रमा ४३ स्थलका एक सय ३८ केन्द्रमा मतदान भइरहेको छ । एक लाख २४ हजार छ सय ९५ जना मतदता रहेका छन् ।
यस क्षेत्रमा लोकतान्त्रिक–वाम गठबन्धनबाट नेपाली कांग्रेसका जीतनारायण श्रेष्ठ, नेकपा एमालेबाट रामप्रसाद न्यौपाने र राष्ट्रिय स्वतन्त्र पार्टीबाट रवि लामिछाने उम्मेदवार छन् । उनीहरूसँगै २२ उम्मेदवार चुनावी मैदानमा छन् ।
तनहुँ १ मा बिहान १० बजेसम्म १३।६ प्रतिशत मत खसेको छ भने शान्तिपूर्ण तरिकाले सम्पन्न गराउन सुरक्षा व्यवस्था चुस्त पारिएको जिल्ला प्रहरी कार्यालय तनहुँले जनाएको छ ।
तनहुँमा कांग्रेसका तर्फबाट भट्टराई, एमालेका खनाल, रास्वपाका वाग्लेसहित नौ दलका प्रतिनिधि प्रतिस्पर्धामा छन् । तनहुँ–१ मा एक लाख २३ हजार तीन सय पाँच मतदाताले मतदान गर्दैछन् ।
बारा २ मा भइरहेको उपनिर्वाचनमा बिहान १० बजेसम्म १५ प्रतिशत मत खसेको छ । उपनिर्वाचनमा गठबन्धनका साझा उम्मेदवार जसपाका अध्यक्ष उपेन्द्र यादव, नेकपा एमालेबाट पुरुषोत्तम पौडेल, राष्ट्रिय स्वतन्त्र पार्टीबाट रमेश खरेल, जनमत पार्टीबाट शिवचन्द्र प्रसाद कुशवाह लगायत १० दलका नेताले उम्मेदवारी दिएका छन् ।
प्रतिक्रिया