चिनिया राष्ट्रपतिले भेटे भारत र पाकिस्तानका प्रधानमन्त्रीलाई, भेटमा यी विषयमा कुरा भयो

भारतीय प्रधानमन्त्री नरेन्द्र मोदीले चीनका राष्ट्रपति सि जिङपिङसँगको भेटमा पाकिस्तानले आतंकवाद मुक्त वातावरण निर्माण गर्नुपर्ने आवश्कता औल्याएका छन् । किर्गिस्तानको बिस्केकमा भएको सांघाई सहयोग संघको सम्मेलनमा सहभागी भएका दुई नेताबीच साइडलाइन भेटमा मोदीले पाकिस्तानमाथि दबाब सृजना गर्ने विषय उठाएका हुन् । टाइम्स अफ इन्डियाले भारतीय विदेशसचिव विजय गोख्लेको भनाई उदृत्त गर्दै पाकिस्तानले आतंकवाद मुक्त वातावरण निर्माण गर्नुपर्नेमा नगरिरहेको विषय मोदीले उठाएका थिए । भारतले शान्तिका लागि सधै प्रयास गरिरहेको र पाकिस्तानले पनि ठोस कदम चाल्नुपर्नेमा जोड दिएका थिए । चिनियाँ राष्ट्रपति सि जिङपिङले पाकिस्तानी प्रधानमन्त्री इमरान खानसँग बिहिबार नै भेटवार्ता गरेका थिए ।

खानसँगको भेटपछि मोदीसँग भेट भएको थियो । चीन पाकिस्तानको निकट मित्र भएकाले पनि मोदीले पाकिस्तानमाथि दबाब सृजना गर्न खोजिएको देखिन्छ । पाकिस्तानी प्रधानमन्त्री खानसँग भने मोदीको भेट भएको छैन । दुवै नेता सम्मेलनमा सहभागी भए । एउटै सम्मेलनमा सहभागी भएपनि भेट नहुनुले भारत र पाकिस्तानबीचको चीसोपन नहटेको सन्देश गएको छ ।

यसैगरी चिनियाँ राष्ट्रपति सिले भारत भ्रमण गर्ने भएका छन् । दुई नेताबीच चौंथो पटक हुने अनौपचारिक भेटवार्ताका लागि सी भारत आउने भएका हुन् । दुवै नेताबीच विगत पाँच वर्षमा दशपटक भेटवार्ता भइसकेको छ ।

यो पनि पढ्नुस्

मन्त्री परिषदको हिजोको निर्णय यस्तो छ

सरकारले भारतसँग सरकार–सरकार (जिटुजी) प्रक्रियाबाट युरिया र डिएपी मल खरीद गर्ने भएको छ । यही जेठ २३ गतेको मन्त्रिपरिषद्को निर्णय आज सार्वजनिक गर्दै सञ्चार तथा सूचना प्रविधिमन्त्री गोकुलप्रसाद बाँस्कोटाले सो जानकारी दिनुभएको हो ।

सोही बैठकले विभिन्न चार मुलुकका लागि राजदूत सिफारिसको निर्णय गरेको छ । सिफारिस भएका राजदूतमा डा वंशीधर मिश्र (बङ्गलादेश), डा नारदनाथ भारद्वाज (कतार), महेशराज दाहाल (अष्ट्रेलिया) र दावा फुटी शेर्पा (स्पेन) का लागि हुनुहुन्छ ।

बैठकले प्रधानमन्त्री राष्ट्रिय प्रतिभा पुरस्कार कोष स्थापना र सञ्चालनसम्बन्धी (पहिलो संशोधन) कार्य्विधि, २०७६ र सार्वजनिक खरीद (सातौँ संशोधन) नियमावली, २०७६ स्वीकृत गरेको छ भने इन्टरनेट सेवाको मूल्य समायोजन गरेको छ ।

सरकारका प्रवक्ता बाँस्कोटाका अनुसार धितोपत्र रजत जयन्ती, शिख धर्मका संस्थापक गुरु नानकको जन्म जयन्ती र वाङ्यम शताब्दी पुरुष सत्यमोहन जोशीको शत्वार्षिकीका अवसरमा स्मारिका सिक्का टक्मारी चलन चल्तीमा ल्याउन नेपाल राष्ट्र बैंकलाई स्वीकृति दिइएको छ ।

बैठकले एकीकृत स्वास्थ्य शिक्षासम्बन्धी विधेयक तर्जुमा गर्न शिक्षा, विज्ञान तथा प्रविधि मन्त्रालयलाई सैद्धान्तिक स्वीकृति दिएको छ भने काठमाडौँ उपत्यका विकास प्राधिकरणको पुनरावेदन समितिको अध्यक्षमा उच्च अदालत पाटनका न्यायाधीश मोहम्मद साविर हुसेनलाई तोक्ने निर्णय गरेको छ । रासस