सामाजिक सञ्जालमा ‘ट्रिपर काण्ड’ हंगामा !
सारांश
- मनिषा त्रिपाठी काठमाडौं, माघ २१ ।
- आजभोलि सामाजिक सञ्जाल प्रयोगकर्तामाझ ‘ट्रिपर’ ट्रेन्डले हंगामा मच्चाएको छ ।
- यससँग सम्बन्धित तस्बिरसहतिका विभिन्न पोष्टहरुले समाजिक सञ्जालमा कब्जा जमाएको छ ।
मनिषा त्रिपाठी
काठमाडौं, माघ २१ । आजभोलि सामाजिक सञ्जाल प्रयोगकर्तामाझ ‘ट्रिपर’ ट्रेन्डले हंगामा मच्चाएको छ । यससँग सम्बन्धित तस्बिरसहतिका विभिन्न पोष्टहरुले समाजिक सञ्जालमा कब्जा जमाएको छ ।
ट्रिपरको ट्रेण्ड सुरु भएको केही दिनमात्रै भयो । भाइरल भइरहेको ‘ट्रिपर’ शब्द र त्यसका तस्विरलाई सामाजिक सञ्जाल प्रयोगकर्ताहरुको सेयर गर्ने जमात ठूलो छ ।
भाइरल बन्दै गएको ट्रिपरको प्रशंग हो– केही समय अघि विभिन्न ठाउँमा ट्रिपरको ठक्करबाट दैनिकी जसो मान्छेको मृत्यु हुनु । फेसबुक, ट्वीटरसहितका समाजिक सञ्जालहरुमा भाइरल भइरहेको ट्रिपर शब्दले मान्छेहरु आतंकित र संशकित बन्न पुगेका छन् ।
डोजर, तरकारीवाली र एनसेलको रातो नम्बरको ट्रेण्ड सेलाउँदै गर्दा ‘ट्रिपर’ भाइरल बनेको हो । यसलाई प्रयोग गर्दै सामाजिक सञ्जालमा हास्य व्यंग्यात्मक एवं प्रतिकात्मक पोष्टहरु भइरहेका छन् ।
विशेषगरी फेसबुकमा लोकप्रिय भएका एमआरआर, ब्राह्रमण ग्रुप, मेरो बाबा मेरो सानुलगायत ग्रुपहरुमा डोजर र त्यससँग सम्बन्धित रोचक तस्बिरहरु धमाधम अपलोड भइहरेको छ । जसको सेयरिङ पनि ठूलो संख्यामा भइहरेको देखिन्छ ।
सामाजिक सञ्जालमा केही दिनअघि ट्रिपरले मान्छे मारेको फोटो पोष्ट भयो । सँगै त्यसलाई विभिन्न कार्टुन बनाएर सेयर गर्नेको ठूलो जमात पनि देखियो ।
आजभोलि शहरमा मात्रै हैन, गाउँमा पनि ट्रिपरले ठक्कर दिएर मान्छेको मृत्यु हुन थालेपछि अझ यसको चर्चा बढेको छ । यसैलाई आधार बनाएर दैनिक हजरौं पोष्टहरु हुन थालेका छन् ।
एक महिनामा ट्रिपरको ठक्करबाट करिब ४० जनाभन्दा बढीको मृत्यु भएको प्रहरीले जनाएको छ । ट्रिपरको ठक्करबाट दिनानुदिन मान्छेको मृत्यु हुन थालेपछि सामाजिक सञ्जाल प्रयोगकर्ताहरुले ‘ट्रिपर ट्रेन्ड’ को नाम दिएर स्ट्याटस पोष्ट गर्न थालेका हुन् ।
प्रहरीका अनुसार ट्रिपरको ठक्करबाट मृत्यु हुनेमा बढि स्कुटी चालक रहेको छ । स्कुटी चालक र ट्रिपर ड्राइभरको फोटो जोडेर फेसबुक, ट्विटजस्ता सामाजिक सञ्जालमा पोष्ट गर्नेहरुको जमात ठूलो रहेको छ ।
कतिपय ठाउँमा ट्रिपर चालक, स्थानीय र प्रहरीको झडप समेत भएको छ ।
हे भगवान यता पनि आयछ ट्रिपर काण्ड
— ग्वाच (@BarcaSanto1) February 3, 2018
#बिचरा_यमराज#ट्रीपर_काण्ड pic.twitter.com/EPCKMEIhYR
— LANG LANG NEPAL (@LANG_LANG_NEPAL) February 1, 2018
म त्यो देशको नागरिक हुँ
जहाँ
एम्बुलेन्स को साइरन होइन,
ट्रिपर को हर्न सुन्दा बाटो छोडिन्छ ।
? ? टिप्पर काण्ड ✌✌✌— ☕सेन्दाइ✌ (@MadhabGc2) January 31, 2018
म :- ससुरा बा! म तपाइको छोरिको हात माग्न आएको
उनका बाउ:- साले हुतिहारा तैले मेरो छोरिको हात माग्ने आँट कसरी गरिस। ?? के सम्पत्ती छ तँ सग??
म :- ट्रीपर छ मेरो घरमा
उनका बाउ:- ए बाबु! मैले त एसो ठट्टा पो गरेको त भन कान्छी लान्छौ कि जेठी#टिपर_काण्ड— Sushil Paneru (@imSuclPan) January 29, 2018
Ex ले स्कुटर किनेको छे हरे, अब अाफु ट्रिपर किन्ने हो ???
बुझियो कि नाई?#ट्रिपर_काण्ड ??— Durga Rijal (@rijal_durga) January 28, 2018
कास तिम्रो माया पनि ट्रिपर भैदिएको भए
म घाईते मात्र त हुने थिईन#टिपर_काण्ड
— उज्वल गौरव (@gaurab_ujjwal) January 28, 2018
प्रतिक्रिया