डीपीएल– २ का लागि काठमाडौं गोल्डन्सबाट दुई विदेशी खेलाडी
सारांश
- काठमाडौं, १० चैत ।
- धनगढी क्रिकेट एकेडेमी (डीसीए)को आयोजनामा यही चैत १७ गतेदेखि रुस्लान धनगढी प्रिमियर लिग क्रिकेटको दोस्रो संस्करण रुस्लान डीपीएल–२ का लागि काठमाडौं गोल्डन्सबाट दुई विदेशी खेलाडी सहभागी हुने भएका छन् ।
- डीसीएका अध्यक्ष सुवास वि.
काठमाडौं, १० चैत । धनगढी क्रिकेट एकेडेमी (डीसीए)को आयोजनामा यही चैत १७ गतेदेखि रुस्लान धनगढी प्रिमियर लिग क्रिकेटको दोस्रो संस्करण रुस्लान डीपीएल–२ का लागि काठमाडौं गोल्डन्सबाट दुई विदेशी खेलाडी सहभागी हुने भएका छन् । डीसीएका अध्यक्ष सुवास वि. शाहीद्वारा जारी विज्ञप्तिमा सो कुरा उल्लेख छ ।
डीपीएल– २ मा ६ टोली सहभागी हुँदैछन् । प्रतियोगिताको यो संस्करणमा दुई जना विदेशी खेलाडीहरु राख्ने अभ्यास थालिएको थियो । सोही सन्दर्भका गोल्डनगेट एजुकेशन नेटवर्कको स्वामित्वमा रहेको काठमाडौं गोल्डन्सले भारतका दुई जना खेलाडीहरु जयकिसन कोल्सावाला र सन्नी पटेललाई टोलीसँग अनुबन्ध गरेको हो ।
गुजरातका कोल्सावाला विकेटकिपर ब्याट्सम्यान हुन् । भारतको रण जी ट्रफी खेलिसकेका उनले लिस्ट ए का ४ तथा फस्ट क्लासका ९ खेल खेलिसकेका छन् । त्यस्तै अर्का रण जी प्लेयर सन्नी पटेल राइट ह्यान्डेड ब्याट्सम्यान हुन् । उनले फस्ट क्लासका १३ तथा लिस्ट ए का १७ खेल खेलिसकेका छन् ।
प्रतिक्रिया