तीन दशकमा बक्स अफिस किंग सलमानले बनाए यी किर्तिमान !

बलिउड सुपरस्टार सलमान खान फिल्म क्षेत्रमा लागेको ३० वर्ष पुरा भएको छ । सन १९८८ मा वीवी हो तो ऐसि बाट फिल्मी यात्रा सुरु गरेका उनले ३० वर्षको अवधिमा ८० भन्दा बढी फिल्म खेलिसकेका छन् । यो अवधिमा उनले दबंग, भाइजान जस्ता लोकप्रिय उपमा पाएका छन् । यो ३० वर्षमा सलमाने केही यस्ता रेकर्ड बनाएका छन् जो सायदै कसैले तोड्न सक्ला । उनी बक्स अफिस किंगका नामले पनि चिनीने गर्छन् ।

सलमान बलिउडका ति कलाकार मध्येका हुन् जो आफैमा फिल्म ब्लकबस्टर हुने ग्यारेन्टी हुन् । उनका हरेक फिल्मले बक्स अफिसमा नयाँ किर्तिमान कायम गर्छन् । त्यसैले उनी बलिउडका मात्र नभएर बक्स अफिसका पनि दबंग कहलिएका छन् । पछिल्लो ८ वर्षमा सलमानले बक्स अफिसमा जुन तहल्का मचाएका छन् त्यो रोकिने नाम लिइरहेको छैन । उनीसँग अझै फिल्मका लाइन छन् ।

३०० करोड क्लबमा सलमानका ३ फिल्म सामेल छन् । ति हुन्, बजरंगी भाइजान, सुल्तान र टाइगर जिन्दा हे । यसको मतलब सलमानका यी ३ फिल्मले मात्रै ९०० करोड भन्दा बढीको व्यापार गरेका छन् । साथै सलमान मात्र एक यस्ता कलाकार हुन् जसको ३ फिल्म ३०० करोड क्लबमा सामेल छन् । त्यो पनि ब्याक टु ब्याक । यी बाहेक सलमानका किक र प्रेम रतन धन पायो ले २०० करोड क्लबमा स्थान बनाएका छन् ।

सलमान अर्को यस्तो किर्तिमान छ जुन कसैले तोड्न असम्भव छ भन्दा फरक नपर्ला । उनी एकमात्र यस्ता कलाकार हुन जसका १४ फिल्म १०० करोड क्लबमा छन् र ३ फिल्मले ३०० करोड भन्दा बढीको व्यापार गरेका छन् । समग्रमा उनको फिल्मी व्यापार ३ हजार करोड भन्दा माथि पुगिसकेको छ ।