राजनीति

डोटीमा देउवाको शवयात्रा र अन्त्येष्टि, कांग्रेस सभापतिसहित ३५ जनाको सामूहिक राजीनामा

Shikharkhabar

बिहिबार, माघ ४, २०७४

२०

२६ पटक हेरिएको

डोटीमा देउवाको शवयात्रा र अन्त्येष्टि, कांग्रेस सभापतिसहित ३५ जनाको सामूहिक राजीनामा

Shikharkhabar

काठमाडौं, ४ माघ ।
सरकारले धनगढीलाई ७ नम्बर प्रदेशको राजधानी तोकेपछि डोटीवासी आन्दोलित भएका छन् ।
डोटीवासीले प्रधानमन्त्री शेरबहादुर देउवाको शवयात्रा र अन्त्यस्टि गरेका छन् भने माओवादी केन्द्रका नेता लेखराज भट्टको पुत्लादहन गरेका छन् ।

काठमाडौं, ४ माघ । सरकारले धनगढीलाई ७ नम्बर प्रदेशको राजधानी तोकेपछि डोटीवासी आन्दोलित भएका छन् । डोटीवासीले प्रधानमन्त्री शेरबहादुर देउवाको शवयात्रा र अन्त्यस्टि गरेका छन् भने माओवादी केन्द्रका नेता लेखराज भट्टको पुत्लादहन गरेका छन् ।

त्यतिमात्रै होइन, आफ्नै पार्टीको सरकारले धनगढी अस्थायी सदरमुकाम तोकेपछि डोटीका नेपाली काँग्रेसका नेता कार्यकर्ताहरुले धमाधम सामूहिक राजीनामा दिन थालेका छन् । जिल्लाका ३५ जना नेताहरुले सामूहिक राजिनामा दिएर देउवाको शवयात्रामा सहभागी भएका थिए ।

मुकाम धनगढी राख्न देउवालाई साथ दिएको आरोप लगाउँदै आन्दोलनकारीहरुले माओवादी केन्द्रका नेता लेखराज भट्टको पुत्लादहन गरेका थिए । आन्दोलनकारीले आफ्नो माग पूरा नभए नागरिकता फिर्तासम्मको चेतावनी दिएका छन् ।

काँग्रेसका डोटी उपसभापति लक्ष्मणबहादुर सिंह, सचिवहरु नारायण जोशी र वीरेन्द्र शाह, कोषाध्यक्ष भरत कठायत, सहसचिव तेजबहादुर लुहार, दिपायल नगरपालिकाका पार्टी नगर सभापति गणेश मलासीसहित ३५ नेताहरुले संयुक्त विज्ञप्ति जारी गरी कांग्रेस परित्यागको घोषणा गरिसकेका छन् ।